Абиуџьеҭ адефицит афинанстәра ахыҵхырҭаны иҟоуп Аԥсны Амилаҭтә банк аҟынтәи игоу акредитқәеи, 2023 шықәсазы ареспубликатә биуџьеҭ адефицит афинанстәра азы егьырҭ ахыҵхырҭақәеи.

Ареспубликатә биуџьеҭ аҟынтәи аҭыԥантәи абиуџьеҭқәеи аҳәынҭқарратә биуџьетнҭыҵтәи афондқәеи рахь 2023 шықәсазы иҟаҵахо абиуџьеҭбжьаратәи аиагарақәа  1 566 812,2нызықь мааҭ рҟынӡа инаӡоит.  

Аҳәынҭқарратә биуџьеҭ шьақәзыргыло аҳәынҭқарратә биуџьеҭ ахашәалахәы хадақәа рахь иаҵанакуеит: аиҿкаарақәа рҟынтәи ахаҳәалахәы азы ашәахтәқәа (13,4%), ахашәалахәытә шәахтә (16,6%), иназыцҵоу ахәԥса азы ашәахтә (35,5%), акцизқәа (4,8%), аҳазылхратә баџь (8,0 %), иара убас аҳазылхратә еизгақәа  (5,5%) иааизакны 2023 шықәсазы 80,0% аҳәынҭқарратә биуџьеҭ ашәахтәии ишәахтәыми ахашәалахәқәа шьақәдыргылоит.

2023 шықәсазы ареспубликатә биуџьеҭ ахарџьтә хәҭа наӡоит:

Азеиԥшҳәынҭқарратә зҵаарақәа – 2 674 682,7 нызықь мааҭ.

Амилаҭтә хьчара– 510 000,0 нызықь мааҭ.           

Амилаҭтә шәарҭадареи азинхьчаратә усуреи – 1 924 715,3 нызықь мааҭ.

Амилаҭтә економика – 2 247 929,7нызықь мааҭ.

Иааҳакуршаны иҟоу аԥсабара ахьчара – 23 451,3 нызықь мааҭ.

Аҵарадырра – 569 557,8 нызықь мааҭ.           

Агәабзиарахьчара – 969 124,1      нызықь мааҭ.           

Акультуреи аҟазареи, амассатә информациа ахархәагақәа – 376 908,3 нызықь мааҭ.

Абҩарҵә́ыра, аспорти аҿартә политикеи – 103 076,3 нызықь мааҭ.

Асоциалтә политика – 331 860,9 нызықь мааҭ.

Абиуџьетбжьаратәи аиагарақәа – 1 566 812,2 нызықь мааҭ. 

3 млрд 136 млн  474,7 нызықь мааҭ, мамзаргьы даҽкала иуҳәозар – 2023 шықәсазы ареспубликатә биуџьеҭ ахарџьтә хәҭа азеиԥш шәагаа аҟынтәи 27,8 %. Ауалафахәы ашәара ахь адәықәҵара азԥхьагәаҭоуп.

«Ҳара аԥсабаратә цәырҵрақәа ахылаԥшра аҭареи разԥхьагәаҭареи рзы алшара ҳамам. Уажәы Очамчыра араион аҿы апроблемақәа рацәаны иҟоуп. Иназыцҵоу уахь иналаҵаны, иҭышәынтәалоу ахашәалахәытә хәҭа ҳақәымгәыӷуазар урҭ ӡбашьас ираҳҭозеи? 

Ари еилкаау усуп. Уьас ала аусура еиҿкаатәуп, абиуџьеҭ аҭышәынтәалара алыршахартә еиԥш», -ҳәа 2023 шықәсазы ареспубликатә биуџьеҭ алацәажәара аихшьаалақәа ҟаҵо инаҵшьны иазгәеиҭеит атәыла аԥыза-министр Алеқсандр Анқәаб.