Ажәытәӡатәи апериод афондқәа рҿы иҟан 17 нызықь инарзынаԥшу аҵәахра иазкыз аматериалқәа. Арҭ афондқәа рматериалқәа ирныԥшуан Аԥсны Урыстәыла адлара иазкыз аматериалқәа  рҭоурых, аграртә зҵаара, ақыҭауаа адгьыл аиуразы рықәԥара, ақыҭанхамҩа аҭагылазаашьа, ажәлар рҵарадырра ауси агәабзиарахьчареи, аԥсуаа рҵасқәеи рқьабзқәеи Аԥсны иқәынхо ауааԥсыра рыбзазареи, Ауахәама-административтә ҭагылазаашьа аганахьала Аҟәатәи аепархиа аилазаара иалаз Амшынеиқәатә губерниеи Аҟәатәи аокруги рҿы аус зуаз адоуҳатә усбарҭақәа рзеиԥш усуреи, иара убас араҟа иҟан Аԥсны изызҳауаз атропикатәии асубтропикатәии акультурақәеи аҭаҭыни реизырҳареи раарыхреи рзы аматериалқәа.  Иқәган асоветаамҭазы Аԥсны иазку архивтә фондқәеи Аџьынџьтәылатәи Еибашьра Дуӡӡа иазку аматериалқәеи.