Аҟәа. Жьҭаарамза 21, 2022 шықәса. Аԥсныпресс. Иахьа Аԥсны адәныҟатәи аусқәа Рминистрра Амедиацентр аҿы аконкурс «Аԥсны агәадура – 2022ш.» аҿы хҩык аиааира згаз алкаахеит.
Актәи аҭыԥ ааникылеит Валери Џьынџьал. Уи ипроект ашколхәыҷқәа рыбжьара ихадоу амедицинатә дыррақәа рыларҵәара иазкын. Аҩбатәи аҭыԥ ааникылеит – Гал араион ашәахтә инспекциа аусзуҩ Лев Буава. Уи аҳәынҭқарратә усбарҭақәа рҿы аусшәҟәқәа реикәыршара ацифровизациа иазкыз апроект адгалара мҩаԥигеит. Ахԥатәи аҭыԥ аҿы дгылоуп – Аԥсны иҟоу Урыстәыла аус ацура Ахаҭарнакра аусзуҩ Руслана Гергедаа. Уи лыпроект аҿартә политика аҿиареи анагӡареи иазкуп.
Аконкурс аҿы аиааира згаз аплатформа «Аԥсны аԥеиԥш» ашьаҭала аԥышәахысреи азанааҭтә дырра аҩаӡара ашьҭыхра апрограммақәеи рхысра аҿы ацхыраареи адгылареи рыҭахоит.
Аконкурстә комиссиа аилазаара иалан: Аԥсны ахәыҷқәа рзинқәа рыхьчаразы Азинмчы змоу, афонд «Ашана» адиректор Мактина Џьынџьал, Аԥсны акультура зҽаԥсазтәыз аусзуҩ, асахьаҭыхыҩ Ныгәзар Логәуа, атәыла Анапхгара ԥыхьатәи аԥыза-министр ихаҭыԥуаҩ Алеқсандр Страничкин, Ауаажәларратә Палата алахәыла, Аԥсны Апарламент ԥыхьатәи Аиҳабы Сократ Џьынџьал.
Аконкурс ахықәкы хаданы иҟоуп Аԥсны аинтересқәа Жәларбжьаратәи арена аҿы рыхьчара азы аҟыбаҩи активреи злоу аҿар ралкаара. Иара убас, уи анапхгаратә усзуҩцәа рзы асоциалтә лифтны, иара убас абиԥара ҿыц ахаҭарнакцәа рыла аҳәынҭқарратә аппарат ззанааҭтә дырра аҩаӡара ҳараку аспециалистцәа рыла арҿыцра азы хра злоу импульсны иҟалароуп.
Раԥхьаӡа акәны аконкурс мҩаԥган 2020 шықәсазы, усҟан уи алахәхаразы 150 зыҳәамҭа алаҵан. Аихшьаалақәа рыҟаҵара ашьҭахь аӡбаҩцәа аиааирагаҩцәа хәҩык алыркааит. Урҭ Урыстәылатәи Афедерациа аҿы аԥышәахысреи рзанааҭтә дырра аҩаӡара ашьҭыхреи, иара убас Урыстәылатәи Афедерациа иԥхьагылоу аҵараиурҭақәа рҿы аҵарадырратә курсқәа рахысреи рзы алшара роуит.
Аконкурс есышықәсатәи аформат ала имҩаԥысуеит, аха 2021 шықәсазы уи акоронавирустә ҿкы чымазара апандемиа иахҟьаны имҩаԥгамызт. г. он не состоялся из-за эпидемии коронавирусной инфекции.
