Урыстәылатәи аспециалистцәа 7 шықәса зхыҵхьоу ахәыҷқәа реиԥш адуцәеи рыблабара адиагностика мҩаԥыргалоит.
Аҷалратә чымазарақәа змоу апациентцәа рыдыркылаӡом. Апациент ицзароуп ихаҭара шьақәзыргыло аусшәҟәы.
21.Жьҭаара.2022
АБЛАБАРА АДИАГНОСТИКА АЗЫ ЕИҬАҴУА АКОМПЛЕКС ЖЬҬААРАМЗА 24 - 25 РЗЫ АФОН ҾЫЦ АҚАЛАҚЬ АҾЫ АУС АУЛОИТ.
Аҟәа. Жьҭаарамза 21, 2022 шықәса. Аԥсныпресс. Аблабара адиагностика азы еиҭаҵуа акомплекс жьҭаарамза 24 - 25 рзы Афон Ҿыц ақалақь аҿы аус аулоит. Уи шьақәыргылахоит ахәышәтәырҭа аҿаԥхьа абри аҭыӡҭыԥ ала: Ладариа имҩа, аҩнеихагыла № 7.
Жьҭаарамза 21 – 23 рзы аҳақьымцәа аус рулоит Гәдоуҭа ақалақь араионтә хәышәтәырҭа Хада иахьаҵанакуа.
Апациентцәа рыдкылара мҩаԥыслоит асааҭ 09:00 инаркны асааҭ 17:00 рҟынӡа. Адкылара хәыда-ԥсадоуп.
