Аҟәа. Жьҭаарамза 20, 2022 шықәса. Аԥсныпресс. Аиҿкааҩцәа рааԥхьарала Аҟәа ақалақь ахада Беслан Ешба ихы алаирхәуеит Жәларбжьаратәи аекспорттә форум «Иҟаҵоуп Урыстәыла», ҳәа адырра ҟанаҵоит Аҟәа ақалақь Ахадара апресс-маҵзура.
Афорум апленартә еилатәара аҿы алахәылаҩцәа дрыдныҳәалеит Урыстәылатәи Афедерациа Анапхгара ахантәаҩы Михаил Мишустин.
Апленартә сессиа атема хаданы иҟоуп – «Аиҭакрақәа рекономиа. Аекспорт агеографиа ҿыц аԥҵарала» .
Афорум аиҿкааҩыс иҟоуп Акционертә Еилазаара «Урыстәылатәи аекспорттә Центр».
Афорум мҩаԥысуеит жьҭаарамза 20 -22 рзы Москва ақалақь акультура аҳәынҭқарратә аусбарҭа аплошьадка «Амузеи-цәыргақәҵатә еидгылара «Манеж» аҿы.
