Аусмҩаԥгатә апрограмма акыр игәылҭәаахеит. Аконцерттә қәгыларақәа рнаҩс, Агәыҳалалратә цхыраара ацентр «Ҳара ҳаицуп» («Мы вместе») ахылаԥшра аҵаҟа иҟоу рзы арт-терапиа азы аҟазара-аклассқәагыь мҩаԥган.
Афестиваль иагәыцәны иҟалеит аконцерттә программа. Араҟа апрофессионалтә артистцәа сценак аҿы ирыцқәгылеит аҟыбаҩ злоу ақәыԥшцәа. Апублика напеинҟьала ирԥылеит ацентр «Ҳара ҳаицуп» ааӡамҭацәа Асҭамыр Мишелиеи Софиа Чхьетиеи. Иара убас ахәаԥшцәа раԥхьа иқәгылеит Дмитри Ԥиԥиа, Ариана Герлиани, Дамир Лакашиа, Руслан Оганиан.
Гагра араион ахада ихаҭыԥуаҩ Ҭемыр Амԥар еизаз зегьы афестиваль аартра рыдиныҳәалеит. Уи ахәыҷқәқәа аус рыдулареи асоциалтә ҵакы змоу апроектқәеи аԥшьгарақәеи адгылара рыҭаразы аамҭеи амчи, зны-зынлагьы ахамеигӡареи аҭахуп, аха уи алҵшәақәа рзы уи зегьы хәҭны иҟоуп ҳәа инаҵшьны иазгәеиҭеит.
«Ҳара зегьы ҳамчи ҳахшыҩи еилаҵаны ахәыҷқәеи урҭ рҭаацәеи рзы аинклиузивтә ҭагылазаашьақәа раԥҵара ҳалшоит. Дарбанызаалк ахәыҷы даԥсоуп илоу аҟыбаҩи алшарақәа раарԥшреи ауаажәларра рыҩныҵҟа иҭыԥ аԥшаареи. Убри аҟнытә ас еиԥш иҟоу аусмҩаԥгатәқәа ахәыҷқәа ирыцхраауеит доусы рпотенциал аартра, ауаажәларратә еилазаара иахәҭакны рхы абаразы», - ҳәа иҳәеит Ҭемыр Амԥар.
Ахәыҷы-инвалидцәа ранацәа еидызкыло Жәларбжьаратәи Ассоциациа «ПРО НЕЁ» Подмосковие инхо ахәыҷқәа-инвалидцәа рҭаацәа Рассоциациа ахантәаҩы Инна Орлова афестиваль асасцәеи алахәылацәеи дрыдныҳәало афестиваль «Ҳәаа змам адунеи», арҿиаратә ҵакыра аԥнаҵоит, араҟаиҷыдоу аҭаххрақәа змоу ахәыҷқәа рҟазара, ридеиақәа.ҩ рфынтазиа аарԥшразы алшара рзаԥҵахоит.
«2025 шықәсазы Жәларбжьаратәи афестиваль «Ҳәаа змам адунеи» акыр зҵазкуа арыцхә иадҳәалоуп – иаку асовет жәлар афашизм Аиааира Амш 80- шықәса ахыҵра.
Афестивал-2025 адевиз – «Дара зегьы еицын». Актәи афестиваль мҩаԥысит 2016 шықәсазы Подмосковие», – ҳәа адырра ҟалҵеит лара. Уи иара убас адкылара бзиазы иҭабуп лҳәеит.
Апрограмма Аԥсны егьырҭ ақалақьқәагьы амҽханакуеит. Афестиваль еиҿкаауп Ахәыҷы-инвалидцәа ранацәа еидызкыло Жәларбжьаратәи Ассоциациеи «ПРО НЕЁ» Подмосковие инхо ахәыҷқәа-инвалидцәа рҭаацәа Рассоциациеи рыла. Убри аан урҭ ацхыраареи адгылареи рынаҭеит Урыстәылатәи Афедерациа Ахада агрантқәа Рфонди Аԥсны Аҳәынҭқарра Ахада Иусбарҭеи.
Афестиваль хыркәшахоит жьҭаара 18 рзы, имҩаԥыслоит Гәдоуҭа, Аҟәа, Очамчыра ақалақьқәа рҿы.
