«Ҳара инамҩатәны ареспублика иахьаҵанакуа иҟоу жәабала аобиектқәа ахылаԥшра аҳҭоит, активла Аԥсны асоциал-економикатә ҿиара адгылара аҭаразы Аинвестициатә программа анагӡара мҩаԥысуеит. Аҳәынҭқарра Ахада Бадра Зураб-иԥа Гәынба хаҭала ҳнапы ианиҵаз аусқәа ыҟоуп. Ҳусураҿы иҟоу аҭахԥхықәрақәа ԥхьаҟа еиҳагьы ирыцлоит. Агәра ганы сыҟоуп, Амра Оҭар-иԥҳа ҳҿаԥхьа иқәгылоу аусдҵақәа рынагӡараҿы иалшо ацхыраара шыҟалҵо», – ҳәа иҳәеит Демир Гамсаниа.

Амра Оҭар-иԥҳа Ламиа диит Тҟәарчал 1985 шықәса ԥхынҷкәынмза 17 рзы.

2003 шықәсазы абжьаратәи ашкол ахьтәы медалла далгеит, анаҩс 2004 шықәсазы дҭалеит, 2009 шықәсазы ибзиаӡаны далгеит – Аԥснытәи аҳәынҭқарратә университет аекономикатә факультет «Афинансқәеи акредити» азанааҭ.  

2009 шықәса инаркны 2018 шықәсанӡа ААУ амаҭәарқәа «Анаплакы афинансқәа», «Аинвестициақәа» рыла алекциақәа дрыԥхьон.    

2010 - 2013 шш. – Ареспублика Аԥсны аекономика Аминистрра аекономикатә анализи азԥхьагәаҭареи рыҟәша аспециалист хадас аус луан.

2013 – 2016 шш. Б.Н. Ельцин ихьӡ зху Уралтәи Афедералтә университет далгеит «Аргылара» азанааҭ ала аҵара лҵон.

2013 – 2018 шш. – Аҳәынҭқарратә Еилазаара «Аԥсныргылара» аплан-економикатә ҟәша аспециалист хадас аус луан.

2018–2020 шш. – Зҭакԥхықәра Ҳәаақәҵоу Аилазаара «Макси» аҭирақәа рзы аменеџьер, Зҭакԥхықәа Ҳәаақәҵоу Аилазаара «Типорт» (ақ. Москва) азаҵәылаҭира аҟәша аменеџьер.

2020 – 2021 шш. – Зҭакԥхықәра Ҳәаақәҵоу Аилазаара «Аԥсны-Оил» (Абылтәыҭирҭатә Станциақәа реизак «Подорожник») афинанс-економикатә ҟәша аспециалист хадас аус луан.

2021 шықәса инаркны иахьа уажәраанӡа  – Зҭакԥхықәра Ҳәаақәҵоу Аилазаара «Аԥсны-Оил» (Абылтәыҭирҭатә Станциақәа реизак «Подорожник») афинанс-економикатә ҟәша аиҳаҩыс аус луан.

2023 шықәса инаркны иахьа уажәраанӡа  – Зҭакԥхықәра Ҳәаақәҵоу Аилазаара «Бзыԥтәи атерминал («Бзыбский Терминал») (Бзыԥҭа аҳаблан иҟоу анефтшьҭаҵарҭа)  афинанс-економикатә ҟәша аиҳабыс аус луан.

Аҳасабырбатә ҳасаббареи аудити ркурс дахысит (ЗҲәА «Консаудит», ақ. Аҟәа).