АЖӘАБЖЬҚӘА

сегодня 16:24

IX Жәларбжьаратәи арт-пленер «Аԥсны ҭагалантәи аԥшшәхәқәа» аатуеит ААУ аҿы жьҭаарамза 13 рзы.

Аҟәа. Жьҭаарамза 9, 2025 шықәса. Аԥсныпресс. IX Жәларбжьаратәи арт-пленер «Аԥсны ҭагалантәи аԥшшәхәқәа» аатуеит ААУ аҿы жьҭаарамза 13 рзы, ҳәа адырра ҟанаҵоит ауниверситет ателеграм-канал.

Арт-пленер рхы аладырхәуеит аҵараиурҭақәа рырҵаҩцәа, иара убас Аԥсны, Москва, Санкт-Петербург, Новосибирск, Пермь, Нхыҵ-Кавказтәи ареспубликақәа рҟынтәи еицырдыруа асахьаҭыхыҩцәа.  

Аԥсны Аҳәынҭқарра Ахада ицхыраарала 2013 шықәса раахыс имҩаԥгахо ари апроект аиҿкааҩцәас иҟоуп Аԥснытәи аҳәынҭқарратә Университет, Жәларбжьаратәи асахьаҭыхыҩцәа Реидгыла «Апсны-арт», Амилаҭтә сахьатә галереиа. Сынтәа арт-пленер мҩаԥысуеит Аҳәынҭқарра Ахада Бадра Гәынба иҟаиҵо адгыларала.

Апроект ахықәкы хаданы иҟоуп – аԥснытәи асахьаҭыхыҩ қәыԥшцәеи астудентцәеи рылаԥшнаӡара аҳәаақәа рырҭбаара, иара убас аҳәаанырцәтәи рколлегацәеи дареи аԥышәеимадара рыбжьаҵара. Иара убас, аусмҩаԥгатә арҿиаратә еимадарақәа рырҿиареи асахьаҭыхратә традициақәа реиқәырхареи рзы акыр зҵазкуа плошьадканы иҟоуп.

Арт-пленер апрограмма  иалагалоуп анаука-методикатә конференциа «Атрадициақәеи ҳаамҭеи», иара убас анҭыҵтәи апленерқәа. Алахәылацәа Аԥсны аҭыԥԥшӡарақәа ирҭаараны иҟоуп, анаҩс ирбаз ҭагалантәи апеизажқәа рыла арҿиамҭа ҿыцқәа раԥҵаразы.


Read 25 times
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2025
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.