Атурнир аиҿкаара рхахьы иргеит  – Аԥсны аҿари аспорти русқәа рзы Аҳәынҭқарратә Еилаки Аԥсны Аҽыбӷаҟазаратә спорт Афедерациеи.

Аицлабрақә рыӡбаҩ хада – Џьарназ Бениа.

Атурнир апрограммаҿы иҟоуп –  абарҭ адистанциақәа рыла аҽырыҩрақәа:

– 1200 м.  – АУН «Аԥснытәи аихамҩа» аԥхьахә (ашьацқьа злоу, Аԥсны ииз, 2 шықәса зхыҵуа аҽыҩқәа);

– 1400 м. – 1992–1993шш. Аԥсны жәлар Рџьынџьтәылатәи еибашьра аҿы иҭахаз ргәалашәара аԥхьахә  (ашьацқьа злоу 2 шықәса зхыҵуа аҽыҩқәа, иаарту рҽыраҩрақәа);

– 1600 м.  – 1992–1993шш. Аԥсны жәлар Рџьынџьтәылатәи еибашьра аҿы хатәгәаԥхарала еибашьуаз раԥхьахә (ашьацқьа злоу, Аԥсны ииз аҽыҩқәа);

– 1600 м.  – Адунеизегьтәи Аԥсуа-база жәлар Рконгресс аԥхьахә (ашьацқьа злоу  3 шықәса зхыҵуа, қәрала еиҳаугьы  аҽыҩқәа, иаарту рҽыраҩрақәа);

– 2000 м. – Аԥсны Аҳәынҭқарра Актәи Ахада Владислав Арӡынба иаԥхьахә (ашьацқьа злоу, Аԥсны ииз аҽыҩқәа);

– 2400 м. – Аԥсны Аҳәынҭқарра Ахада Бадра Гәынба иаԥхьахә (ашьацқьа злоу  3 шықәса зхыҵуа, қәрала еиҳаугьы  аҽыҩқәа, иаарту рҽыраҩрақәа);

– 3200 м. – Аԥсны Аҳәынҭқарра Аҩбатәи Ахада Сергеи Багаԥшь иаԥхьахә (ашьацқьа злоу 3 шықәса зхыҵуа, қәрала еиҳаугьы  аҽыҩқәа, иаарту рҽыраҩрақәа).

Традициала ишьақәгылахьоу аҩырыҩрақәа рнаҩс ахәаԥшцәа ирзыԥшуп ҽыла ампыл асра азы аицлабрақәа (Аԥсны аҽауаа раԥхьахә), аҵәыршәразы аицлабрақәа (Аԥсны Зҽаԥсазтәыз азыҟаҵаҩ Иу. Ҭарба игәалашәара аԥхьахә).

Аицлабрақәа ралагара аамҭа –   асааҭ  10:00 рзы.