Аԥсны Аҳәынҭқарра Иреиҳаӡоу Асовет Ахантәаҩы Владислав Григори-иԥа Арӡынба икомандаҟаҵарала Арбџьармчқәа Аԥсны Аҳәынҭқарра ҳаамҭазтәи аҭоурых аҿы ихадоу аиааира – ахақәиҭреи ахьыԥшымреи рзы аиааира агара рылшеит.
Аибашьрашьҭахьтәи ашықәсқәа зегьы ирылагӡаны Аԥсны Арбџьармчқәа Аԥсадгьыл ахьчара иаҿуп.
«Ҳаамҭазтәи аетап аҟны ари афлоти рҿаԥхьа– аҳәынҭқарра арратә потенциал арӷәӷәара, ҳаамҭа иақәшәо атәылахьчара амчқәа рышьақәгылара, ззанааҭтә ҩаӡара ҳараку акадртә резерв аԥҵара, уҳәа ахыдҵа ҿыцқәа ықәгылоуп. Ҳәара аҭахума, аибашьра адәы иаӡрыжәхьоу, иҟарҵаз аҭоубеи руалԥшьеи ламысцқьала иназыгӡо Арбџьармчқәа, атәыла анапхгареи ажәлари рыцхыраарала арҭ ахыдҵақәа шьахәлаҵәҟьа рынагӡара рылшоит.
Аԥсадгьыл ахьчара зхы ақәызҵаз афырхацәа рфырхаҵареи рхамеигӡареи ахаангьы хашҭра ақәны иҟалом.
Иҭабуп ҳәа раҳҳәоит ламысцқьала Аԥсадгьыл аинтересқәа рыхьчара иазықәԥо аветеранцәа.
Аԥсны Арбџьармчқәа хаҭалатәи аилазаара рырратә гәыӷәӷәареи хьаҳәхьачарада рыжәлари рыԥсадгьыли рыхьчара ишазхиоуи рзы агәра ганы ҳаҟоуп. Аҭынчреи аизҳазыӷьареи ахирреи шәымазааит Аԥсуа ҳәынҭқарра ахьчаҩцәа!
Ҳаҭырла, Алеқсандр Анқәаб,
Аԥсны Аҳәынҭқарра аԥыза-министр
ақ. Аҟәа, жьҭаарамза 11, 2022 шықәса.
