АЖӘАБЖЬҚӘА

вчера 20:36

Акриптовалиута арҳара иазку 37 цыра аппаратқәа ԥшааны ирымырхит Аҟәа ақалақь аҿы.

Аҟәа. Цәыббрамза 4, 2025 шықәса. Аԥсныпресс. Цәыббрамза 3 рзы ироуз аоперативтә дырра ахархәарала Аԥсны аҳәынҭқарратә ҳазалхратә Еилакы аусзуҩцәеи Аҟәа ақалақь аҩныҵҟатәи аусқәа Русбарҭа аусзуҩцәеи Аҟәа ақалақь, Наӡаӡе лымҩа, аҩны № 1 аҿы агәаҭарақәа мҩаԥыргеит. Аҩны аԥшәымас дамоуп Инга Гаделиаԥҳа, ҳәа адырра ҟанаҵоит Аҳәынҭқарратә ҳазалхратә Еилакы апресс-маҵзура.

Ауадақәа руак агәаҭараан ирыԥшааит  акриптвалиута арҳара иазку 37 цыра аппаратқәа, урҭ зегьы афымцацәаҳәа иаҿакын. Амаругақәа аҿыхны иқәгоуп.

Инга Гаделиаԥҳа  иарбоу аппаратқәа Ареспублика Аԥсны аҿы аҳазалхратә шәҟәҭагалара ишахысыз азы изеиԥшразаалак ашәҟәқәа аалмырԥшӡеит. Уи лажәақәа рыла, иарбоу аппаратқәа лара ԥхынгәымза, 2025 шықәсазы Аҟәа ақалақь, асаит «Абхаз-Авто» ала иаалхәеит, убри аан урҭ Аԥсны иахьаҵанакуа аҳазалхратә шәҟәҭагалара ишахысыз атәы зҳәоз изеиԥшразаалак ашәҟәқәа рыцӡамызт.

Иарбоу аус азы аметериалқәа Аԥсны Аҳәынҭқарратә ҳазалхратә Еилакы аҭҵаареи аҳазалхратә усҭҵаареи рыҟәшахьы идәықәҵоуп.


Read 218 times - Аԥшьаша, 04 Цәыббра 2025 17:27
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2025
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.