Аҟәа. Жьҭаарамза 4, 2022 шықәса. Аԥсныпресс. Аԥсны агәабзиарахьчара аминистр Едуард Быҭәба Германиа иҟоу Аԥсны Ахәаахәҭра-ааглыхратә Палата ахаҭарнак Вольфганг Матцке,, Берлинтәи амедицинатә Центр «Хелле Митте» адатә хирург Ульрих Руппеи Европа иҟоу китаитәи акомпаниақәа рконсультант Гуо Сииа дырԥылеит.
Аиԥылара иалахәыз атәыла агәабзиарахьчара Аминистрра аполиклиникақәа русура аиҿкаара аганахьала абжьгаратә цхыраара аҭара алыршара иалацәажәеит.
«Ҳара аполиклиникақәа русура аиҿкаара аганахьала аԥышәа ду ҳамоуп, уи аԥснытәи ҳколлегацәа рымадара ҳазхиоуп», - ҳәа иазгәеиҭеит Ульрих Руппе.
«Ҳара иаадыруеит Германиа иҟоу амедицина аҩаӡара атәы. Ҳара ҳаспециалистцәа шәԥышәа рымажәдар, уи акыр хра злоу усхоит», - ҳәа иазгәеиҭеит агәабзиарахьчара аминистр.
Аиԥылара ахыркәшамҭаз уи иалахәыз зегьы анаҩстәи аусеицура алыршаразы рконтактқәа еимырдеит.
