Аҳақьымцәа ирбаз аџьабаа азы иҭабуп ҳәа рарҳәеит аминистр Едуард Быҭәба, Аԥсны иҟоу Урыстәыла аус ацуразы Аофициалтә Хаҭарнакра анапхгаҩы Владислав Куликови «Жәлар Рфронт» («Народный фронт») аексперт Иулиа Зимовеи.

«Ҳколлегацәа даара зымҽхак ҭбаау аусура нарыгӡеит, ҳхәыҷқәа ацхыраара рырҭеит, анализқәа рзы ршьа ргон, иахәҭоу ауснагӡатәқәа зегьы мҩаԥыргон, Урыстәылатәи ҳколлегацәа ирыцхраауан», - ҳәа иҳәеит Аԥсны агәабзиаахьчара аминистр Едуард Быҭәба.

Адиспансеризациа амҽханакит ареспублика араионқәа зегьы.

Аҳамҭақәа ранашьахеит 160-ҩык аҳақьымцәа.

Ареспублика Аԥсны иахьаҵанакуа адиспансеризациа мҩаԥысуан жәабранмза 12 инаркны лаҵарамза анҵәамҭанӡа, Урыстәылатәи Афедерациа аҟынтәи ԥшь-бригадак  аус руан, урҭ ирыцхраауан аԥснытәи аҳақьымцәагьы.  

Аҳақьымцәа ашколқәеи ахәыҷбаҳчақәеи рҿы иааизкны игәарҭеит 27 нызықьҩык ахәыҷқәа.