Атуризм аминистр Мрагыларатәи Аԥсны еиҳа аинтерес зҵоу атуристтә обиектқәа еидызкылараны иҟоу иҿыцу аекскурсиатә маршрут – «Иџьашьаху мрагыларатәи Аԥсны» аԥҵара азы ажәалагала ҟаиҵеит.
Аминистр иажәақәа рыла, иарбоу апроект уажәраанӡа митәык зыхьӡ нагамыз, аха убри аан иуникалу ареспублика аҿы иҟоу аҭыԥԥшӡарақәа рпопулиаризациа аус аҿы акыр зҵазкуа шьаҿаны иҟалоит.
Асҭамыр Логәуа иара убас ааигәатәи аперспектива азы ахылаԥшырҭа иамоу азԥхьагәаҭарақәа ртәы еиҭеиҳәеит. Ҷыдала ахшыҩзышьҭра аҭан ашьхатәии ақыҭантәи атуризм арҿиара. Уажәы атуристтә усура иҿыцу ахырхарҭақәа злашьаҭаркхо аидеиақәа инҭкааны аус рыдулара мҩаԥысуеит.
Аминистр иара убас аԥыза-министр Аԥсны атуризм Аминистрра рашәарамза 10 – 15 рзы имҩаԥысраны иҟоу Жәларбжьаратәи атуристтә Форум «Путешествуй» иалахәхараны ишыҟоу азы адырра ииҭеит. Уи Аԥсны атуристтә потенциал жәларбжьаратәи аплошьадка аҿы аӡыргареи Урыстәылатәи апартниорцәеи аԥснытәи агани ирыбжьоу аусуратә еимадара арӷәӷәареи алнаршоит.
