Атәанчахәқәа рахь ацҵақәа зауа рхыԥхьаӡара 14 903-ҩык рҟынӡа инаӡоит, уи  2024 шықәсазы аасҭа 1 412-ҩык рыла еиҳауп.

Ҳазҭоу ашықәс лаҵарамза 1 азы зфинансыркра мҩаԥгаз атәанчахәқәа реицҵалыҵ 360 млн. 458нызықь мааҭ рҟынӡа инаӡеит, уи иҳаҩсыз ашықәс аиԥш-зеиԥшу аамҭахәҭа азы аасҭа  7  млн. 129 нызықь мааҭ рыла еиҳауп.  

Ҳазҭоу ашықәс лаҵарамза 1 азы зфинансыркра мҩаԥгаз атәанчахәқәа рыцҵақәа реицҵалыҵ - 190 млн. 285  нызықь мааҭ рҟынӡа инаӡон, уи 2024 шықәса, аиԥш-зеиԥшу аамҭахәҭазы аасҭа 74 млн. 961 нызықь мааҭ рыла еиҳауп.  

Аԥсыжразы аԥаратә цхыраагӡатәқәа реицҵалыҵ 928 нызықь мааҭ рҟынӡа инаӡеит, уи  2024 шықәса рзы аасҭа  109 нызықь мааҭ рыла еиҳауп.  

«2025 шықәс алагамҭа инаркны  зеицҵалыҵ 71 млн. 636 нызықь мааҭ рҟынӡа инаӡо ауал ашәара алыршахеит. Зынӡа аинкассатә напынҵақәа рыла 2025 шықәса, ажьырныҳәамза инаркны идыршәоуп  5 млн. 254  нызықь мааҭ», – ҳәа иазгәеиҭеит Денис Гәылариа.