Аҟәа. Лаҵарамза 16, 2025 шықәса. Аԥсныпресс. Ареспублика Аԥсны аҿы мызкы аҩныҵҟа абанк ПСБ адебеттә хсаалагақәа роуит 11 000-ҩык инареиҳаны Аԥсны инхо, Урыстәыла атәылауаҩра змоу атәанчаҩцәа. Уи Урыстәылатәи Афедерациа атәылауаҩра зманы ареспублика иқәынхо атәанчаҩцәа рзеиԥш хыԥхьаӡара аҟынтәи 50% рҟынӡа инаӡоит.
Абанк ПСБ ахсаалагақәа рыҭара иалагеит мшаԥымза 18 инаркны. Уи иабзоураны Аԥсны инхо атәанчаҩцәа уи анҭыҵ имцакәа аҭыԥаҿы абанктә хсаалақәа раиуразы алшара роуит. Иарбоу ахсаалагақәа Урыстәыла Асоциалтә фонд аҟынтәи атәанчаҩратәии асоциалтәи ашәатәқәа.
Ахсаалага иаразнактәиуп – аклиент уи 20 минуҭ рыла иоуеит.
Ауаа рырманшәалара азы ахсаалага аиқәыршәара ихәыда-ԥсадоу аҭел цәаҳәа 4444 ала заанаҵтәи аҭаҩрала. Аклиент иара изыманшәалоу аамҭеи Аԥсны Аҵәахырҭатә банк аҟәшеи ихала иалихир ауеит. Аԥсны Аҵәахырҭатә банк иаку аԥҵаҩи акционери раҳасабала иҟоу Аԥсны Амилаҭтә Банк ауп.
Аҭыԥ аҿы аконсультациақәа рыҭара азы аус руеит абанк ПСБ ахаҭарнакцәа. Аҟәша аҿы аусзуҩцәа идырбатәхоит Урыстәылатәи Афедерациа аҩныҵҟатәи атәылауаҩшәҟәы, мамзаргьы Урыстәылатәи Афедерациа аҳәаанырцәтәи атәылауаҩшәҟәы. Атәанчаҩратә қәра иаҵанамкыц ауаа, аха атәанчахәы аиура иалагахьоу – иарбоу ашәатәқәа раиуразы азин зырҵабыргуа ашәҟәқәагьы адырбароуп.
Зынаииаратә лшарақәа ԥку зықәрахь инеихьоу ауаа рзы ҷыдала еиҭаҵуа агәыԥқәа русура еиҿкаауп. Урҭ атәынчаҩы иҩнаахьы инеины ахсаалагақәа рызнаргоит. Агәыԥқәа амҽыша аламҵакәа, есыҽны аус руеит.
Бжьаратәла уахәаԥшуазар, есыҽны ПСБ ареспублика аиланхарҭатә раионқәа 10 рыҟны 700-800 рҟынӡа ахсаалагақәа рыҭара мҩаԥнагоит.
Абанк ПСБ ахсаалагақәа реиқәыршәареи рыҭареи мҩаԥысуеит абарҭ аҭыӡҭыԥқәа рыла иҟоу Аԥсны Аҵәахырҭатә банк 12 ҟәша рыҟны:
– ақ. Аҟәа, Ешба имҩа, аҩ.№167.
– ақ. Аҟәа, Аиааира Апроспект, аҩ.№ 84.
– ақ. Аҟәа, Лакоба имҩа, аҩ.№4.
– ақ. Гагра, Абазгаа рымҩа, аҩ.№55/4.
– ақ. Пицунда, Гыцба имҩа, аҩ.№3.
– ақыҭа Цандрыԥшь, Октиабртәи амҩа, аҩ.№242.
– аҳабла Бзыԥта, Лакоба имҩа, аҩ.№10.
– ақ. Гәдоуҭа, Чачба имҩа, аҩ.№3.
– ақ. Афон Ҿыц, Ҳаразиа имҩа, аҩ.№2.
–аҳабла Агәыӡера, Курчатов ипроспект, аҩ.№27.
– ақ. Очамчыра, Б.У. Шьынқәба имҩа, аҩ.№97.
–ақ. Ҭҟәарчал, Аԥсилаа рымҩа, аҩ.№5.
Абанк ПСБ абанктә хсаалага ахархәара аганахьала ауадаҩрақәак цәырҵызар абри аҭел ала адҵаалара хымԥадатәиуп 4444 (аимадара иааиԥмырҟьаӡакәа уахи-ҽни имҩаԥысуеит, Ареспублика Аԥсны иахьаҵанакуа амобилтә ҭелқәа рыла уасыр алшоит), Урыстәылатәи Афедерациа аҟынтәи уасуазар абри аҭел аномер –8 800 333 03 03 ахь уасыр ауеит.
Абанк ПСБ апресс-маҵзура.
