Аԥсны ацҳаражәҳәаҩ абар шьҭа ҩышықәса инеиԥынкыланы Шьамтәылатәи астудентцәа Аԥснытәи аҳәынҭқарратә Университет аҿы аҵара аиуразы иаауеит ҳәа иазгәеиҭеит. Ҳазҭалаз 2025-2026 аҵарашықәс азы  убасҵәҟьа шьамтәылатәи астудентцәа ргәыԥ аара иазыԥшуп.

Ацҳаражәҳәаҩ Муҳаммед Али аԥснытәии шьамтәылатәии ажәларқәа рыбжьара аизыҟазаашьақәа иҵаулоу аҭоурыхтә шьаҭақәа амоуп ҳәа иазгәеиҭеит. Ареспублика Аԥсны Анапхгара  еиуеиԥшым аусхкқәа рыла аҩганк еицырзыфеиду аусеицуратә еизыҟазаашьақәа рыҿиара аҵак ду анаҭоит ҳәа иҳәеит.

Ахәҭакахьала, Шьамтәылатәи Арабтә Республикаҿы иреиҳау аҵареи аҭҵаарадыррақәеи рминистр, адоктор Маруан Аль-Ҳалаби аминистрра анаукатә хырхарҭала  Аԥсны ус ацура арӷәӷәара ишазҿлымҳау азгәеиҭеит.