Аҟәа. Мшаԥымза 3, 2025 шықәса. Аԥсныпресс. Аԥсны Аҳәынҭқарра Ахада Гәынба Бадреи Урыстәылатәи Афедерациа Ахада Иадминистрациа Анапхгаҩы Актәи ихаҭыԥуаҩ Сергеи Кириенкои ақалақь-фырхаҵа Тҟәарчал иаҭааит.
Аусуратә ныҟәараан урҭ Афырхацәа Раллеиа аҿы игылоу 1992-1993 шш. Аԥсны Аџьынџьтәылатә еибашьраҟны, иара убас Аџьынџьтәылатә еибашьра дуӡӡа аҟны иҭахаз аибашьцәа рбаҟақәа рымҵан ашәҭшьыҵәрақәа шьҭарҵеит. Бадра Гәынбеи Сергеи Кириенкои иара убас ауааԥсыра ирыҿцәажәеит.
Анаҩс Сергеи Кириенкои Бадра Гунбеи араионтә хәышәтәырҭа Хадеи Тҟәарчал ақалақь аполиклиникеи ирҭааит. Ара амедицинатә усзуҩцәа ирыҿцәажәеит, амедицинатә усбарҭа аҭагылазаашьа гәарҭеит.
Ахәышәтәырҭа аҭаараан Сергеи Кириенко амедицинатә усҳәарҭақәа адгылара рыҭара иамоу аҵакы азгәаҭаны, ахәышәтәырҭа ҳамҭас иаиҭеит аелектрокардиографиа аппапарт.
Ахәышәтәырҭа аҳақьым Хада Сергеи Владилен-иԥа амедусбарҭа азы даара ихәарҭаны иҟоу аҳамҭазы иҭабуп ҳәа еиҳәеит.
