АЖӘАБЖЬҚӘА

вчера 8:27

Мураҭ Кумпилов Аԥсны Ахада иҭоубашьҭаҵара ацеремониа ихы алаирхәит.

Аҟәа. Мшаԥымза 3, 2025 шықәса. Аԥсныпресс.  Адыгеиа Ахада Мураҭ Кумпилов Аԥсны Ахада Бадра Гәынба иҭоубашьҭаҵара ацеремониа ихы алаирхәит.   Ареспублика Адыгеи аделегациа аилазаараҿы иҟан Урыстәыла Аџьа Афырхаҵа Исҳак Машбаши Адыгеиеи Кроаснодартәи атәылаҿацәи рҿы амыфҭы Аскарби Карданови.

Мураҭ Кумпилов аиашьаратә республика Ахада иалхра идиныҳәалеит, убри аан уи инаҵшьны иазгәеиҭеит Аԥсни Адыгееи наџьнатә аахыс аиашьаратә, акультуратә, уҳәа аизыҟазаашьақәеи шрыбжьоу. Ареспублика Аԥсны ашәышықәсақәа иргәылганы иахьанӡа еиқәырханы иаанагаз  акультуреи ибеиоу ажәытә традициақәеи рыла Адыга жәлар ргәаҿы иҷыдоу аҭыԥ ааннакылоит.

«Адыгеиа есымша ахышыҩзышьҭра ду арҭоит шәреспублика аҿы имҩаԥысуа ахҭысқәа зегьы, шәеихьӡарақәа иреигәырӷьоит, иуадаҩу аԥышәарақәа раан гәкыла шәуадаҩрақәа шәыцеиҩыршоит, ирылшо ала рыиашьаратә аԥсуа жәлар адгылара рырҭоит. Аԥсни Адыгеиеи рыжәларқәа реизыҟазаашьақәа традициала аиҩызареи аиашьареи агәреибагареи рыла ишьаҭаркуп. Агәра ганы сыҟоуп ас еиԥш иҟоу аиашьаратә еизыҟазаашьақәа аринахысгьы хра злоу аҿиара шаиуо», – ҳәа иҳәеит Ареспублика Адыгеиа Ахада.

Мураҭ Кумпилов иара убас Бадра Гәынба Аԥсны жәлар ирҭаз агәрагара дшаԥсахо азы агәра ганы дшыҟоу инаҵшьны иазгәеиҭеит.

Мураҭ Кумпилов иажәақәа рыла, Аԥсны иамоу идуу асоциал-економикатә потенциал ахархәарала  аекономика аусхкқәа рӷьырак аҿы, аиҳарак атуризм, аинфраструктура аргылара  аҿы хра злоу аҿиара амоуп, Урыстәылатәи Афедерациеи иареи атауареикәыршара аизырҳара аныԥшуеит ҳәа инаҵшьны иазгәеиҭеит.  

«Ҳәарада, иахьа Аԥсны аԥсҭазаара аҿы иҿыцу аҿиара аетап хацыркхоит, уи ахықәкы уаанӡа иҟаз аихьӡарақәа рышьақәырӷәӷәареи алхыҩцәа ргәазыҳәарақәа рынагӡареи иадҳәалахоит», - ҳәа иҳәеит Адыгеиа Ахада.

Мураҭ Кумпилов иалху Аҳәынҭқарра Ахада агәабзиара, агәамч, аихьӡара дуқәеи, аиашьаратә аԥсуа жәлар аизҳазыӷьареи аҿиареи рзеиӷьаишьеит.


Read 48 times
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2025
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.