«Зынӡа иааизакны абжьыҭира рхы аладырхәит Ареспублика атәылауаа зегьы рҟынтәи 70%, уи хыԥхьаӡарала иартәоит  100  412 - ҩык. Зегьы ирҿыгыланы рыбжьа арҭеит 2065-ҩык, 1687 цыра абиуллетен ԥхасҭоуп ҳәа ишьақәыргылахеит», - ҳәа адырра ҟаиҵеит Дмитри Маршьан.

Аҳәынҭқарра Ахада иалхрақәа аҩбатәи атур алҵшәақәа реихшьаалақәа инақәыршәаны аиааира игеит Гәынба Бадра Зураб-иԥа.

Дмитри Маршьан ишазгәеиҭез ала, абжьыҭара аҩбтәи атур ахь иааз ауаа рхыԥхьаӡара актәи атур иаҿырԥшны уахәаԥшуазар 1000-ҩык рҟынӡа еиҳан. Алхрақәа рахь иааз ауаа рхыԥхьаӡара еиҳахеит иара убас Аԥсны анҭыҵ, ақлақбқәа  Москвеи Черқесски иаартыз алхратә ҭыԥқәа рыҿгьы.

Дмитри Маршьан иажәақәа рыла, хазы игоу аилгарақәа шьақәыргылан, аха урҭ алхратә система амҩаԥысра акала анырра арҭаратәы иҟамызт.

«Акандидатцәа рыбжьара аивгазаара 13% иреиҳауп, убри аҟнытә уи алхрақәа реихшьаалақәа акала изаныԥшӡом», - ҳәа иҳәеит Дмитри Маршьан.