«Аԥсны алашара азымхара инамаданы ишьақәгылаз аҭагылазаашьа аҿы Урыстәыла зыԥшра ҟамҵакәа оперативла ацхыраара аҟаҵара иазхиоуп, - ҳәа иазгәеиҭеит Дмитри Песков. – Ишьақәгылаз аҭагылазаашьа зыхҟьаз ашьхарахь ишьақәгылаз ахьшәашәара ауп. Уи инамаданы асқәа ӡыҭӡом. Убри аҟнытә Џьуартәи аӡеизакырҭаҿы ҭагалан-аӡынтәи аамҭазы аӡы амаҷра иахҟьаны Аԥсны иаларгалоит аамҭеихшала алашара арцәара. Урыстәыла Аԥсны афымцамч аназымхо аамҭазы лашарала еиқәнаршәалоит.
«Ҳәарада, иҷыдоу аҭагылазаашьа аан Урыстәыла аганахь игылом. Фымцамчла аԥхьаҟагьы еиқәыршәалахоит», - ҳәа абрифинг аҿы иҳәеит Кремль ахаҭарнак, Урыстәыла Ахада ипресс-маӡаныҟәгаҩ Дмитри Песков.
