«Аԥсны Аҳәынҭқарра атәылауаа Урыстәыла атәылауаҩрагьы рыҭара алагара алзыршо амеханизм ашьақәыргылароуп иаанханы иҟоу. Шәара ижәдыруеит Шәара иҟашәҵаз адгылара абзоурала ас еиԥш аӡбамҭа шрыдыркылаз, ҳтәыла атәылауаа рахьтә 70% инареиҳаны Урыстәылатәи Афедерациа ишатәылауаау. Иҟоуп ари аҩыза алшара ахархәара иахьымӡаз ауаа, иҟалозар, ус еиԥш аҭагылазаашьа ыҟазар, ас еиԥш апрограмма иацҵазар ҳҭахын», – ҳәа иҳәеит Бадра Гәынба.
Владимир Путин иҩбоу Урыстәылеи Аԥсни ртәылауаҩра рыҭара иадҳәалоу азҵаарақәа рыӡбаразы анапынҵақәа шриҭо атәы иҳәеит.
