Аҟәа. Хәажәкырамза 4, 2025 шықәса. Аԥсныпресс. Жәларбжьаратәи Аҳәса Рымшныҳәа аламҭалазы партиа дула амимоза, мамзаргьы даҽакала иуҳәазар араӡны лакациа Аԥснынтәи Урыстәылаҟа аиагара иалагеит.
Ганрацәалатәи амашьынатә аушьҭра-гәаҭаратә Ҭыԥ аҳазалхратә ԥыԥшырҭа Адлер агәаҭара иахысит 350 тонна инарзынаԥшуа ихьыԥшшәылоу ашәҭшьыҵәрақәа.
Аҵыхәтәантәи амшқәа рзы Урыстәылаҟа ииагахеит 50 тонна инарзынаԥшуа ашәҭқәа.
Иахьазы ашәҭтә аалыҵ аиагара амҽхак иҳаҩсыз ашықәс арбагақәа 100 тоннак рыла иреиҳахеит, ҳәа адырра ҟанаҵоит Урыстәылатәи Афедерациа Афедералтә Ҳазалхратә Маҵзура Аладатәи аҳазалхратә Усбарҭа апресс-маҵзура.
Сынтәа заанаҵы ишьақәгылаз аԥхаррақәа ашәҭ сезон заанаҵы алагара иацхрааит, уи хацыркхеит ажьырныҳәамза алагамҭазы. Аусдкылаҩцәа амимоза Краснодар, Ростов-на Дону, Москва, уҳәа ақалақьқәа рахь иргоит. Атәылауаа анапылеидара ала рхатә ҭаххрақәа рзы ахәаахәҭразы ашәҭқәа Урыстәылаҟа ииаргоит.
Лассы иԥхасҭахар зылшо ашәҭ аалыҵ иарку аҭрақәа рыла, ирхьшәашәоу арежим ала ииаргоит. Аҳазалхыҩцәа ирласны аҳәаа ахыжьразы рхы иадырхәоит адокументқәа реиҿкаара зырманшәало ирмариоу апроцедурақәа.
Атранспорттә хархәагақәа ракәзар аидара ақәымхыкәа аамҭақәак ирылыршаны аҿыц технологиақәа рхархәарала агәаҭара мҩаԥыргоит.
Аиҳарак амимоза аиагара ҟалароуп ҳазҭоу амчыбжь нҵәаанӡа.
2024 шықәсазы Аԥсны иалганы импорт ҳасабла ииаргеит 240 тонн «ахьтәы» шәҭқәа. Ҳазҭоу ашықәс азы амш бзиахар, иҳаҩсыз ашықәс азы ииагаз аҟара амимоза Аԥсны анҭыҵҟа агара алыршахар ҟалап.
