«Аԥсны Аҳәынҭқарра Актәи Ахада Владислав Григори-иԥа Арӡынба диижьҭеи 80 шықәса аҵра азгәаҭара иазкны аусмҩаԥгатәқәа рҽазыҟаҵареи рымҩаԥгареи рзы аҳәынҭқарратә комиссиа аԥҵаразы адҵа снапы аҵазҩит. Аамҭа маҷӡаны инхеит, аҳәара ҟасҵоит хара имгакәа апрограмма азырхиара шәнапы ашәыркы. Ари аҵак ду змоу хҭысуп», — ҳәа хәажәкырамза 3 рзы имҩаԥгаз аминистрцәа Реилазаара аилатәара аҿы инаҵшьны иҳәеит Аҳәынҭқарра Ахада инапынҵақәа назыгӡо Бадра Гәынба.
