Аҟәа. Жәабранмза 24, 2025 шықәса. Аԥсныпресс. Аԥсны ауааԥсыра рзы ателемедиатә консултациақәа рымҩаԥгара алагара азы аиқәшаҳаҭра бжьаҵан аполитикатә усзуҩ Бадра Гәынбеи Урыстәыла агәабзиарахьчара аминистр Михаил Мурашкои Москва имҩаԥысыз реиԥылара аҿы, ҳәа адырра ҟанаҵоит Урыстәылатәи Афедерациа агәабзиарахьчара аминистрра а-Telegram-канал.
Урыстәылатәи Афедерациа агәабзиарахьчара аминистр Михаил Мурашко Аԥсныҟа иусуратә ҭаара аҳәаақәа ирҭагӡаны жәабранмза 20 рзы Аҟәа ақалақь Ареспубликатә хәышәтәырҭа аҿы иаатыз ателемедицинатә центр, иара убас Ареспубликатә хәыҷтәы хәышәтәырҭа аргылара ахьымҩаԥысуа аҭыԥ даҭааит.
«Аԥсны агәабзиарахьчара аминистр инапынҵақәа назыгӡо Едуард Быҭәба Аҳәынҭқарра Ахада инапынҵақәа назыгӡо Валери Бганба Урыстәылатәи Афедерациа агәабзиарахьчара аминистр ареспубликахь иаара азы заанаҵы адырра ииҭеит.
Валери Бганба Едуард Быҭәба идиҵеит урыстәылатәи иколлега аԥсны-урыстәылатәи аҳәаа аҿы диԥыларц, иара убас зҭаара азԥхьагәаҭоу аобиектқәа зегьы рҿы дицныҟәарц азы», – ҳәа иазгәаҭоуп Аԥсны агәабзиарахьчара Аминистрра аҳәамҭа атекст аҿы.
