Алхратә комиссиа Хада ахантәаҩы АКХ иамоу анапынҵақәа зегьы шынанагӡо, аха иҟоуп уи акомпетенциа иаҵанамкуагьы ҳәа иазгәеиҭеит.  

Административтә лшарақәа рхархәара, мамзаргьы алхыҩцәа аҵарҭыша рыҭара иадҳәалоу афактқәа рылаҳәара алыршахоит урҭ афактқәа Апрокуратура хада ишьақәыргыланы Иреиҳаӡоу аӡбарҭа ишьақәнарӷәӷәазар».

«Алхратә комиссиа Хада ас еиԥш иҟоу афактқәа рышьақәыргылара азин амаӡам, аилагарақәа ҟазҵаз акандидат ихьырхәра зылшо аусбарҭақәа ыҟоуп. Ҳара ҳакәзар, аганқәа алхратә закәанԥҵара иақәныҟәаларц азы ааԥхьара аҟаҵара ҳалшоит», - ҳәа иҳәеит Дмитри Маршьан.

Алхратә комиссиа Хада ахантәаҩы иара убас, алхратә ҭыԥ хадақәеи алхратә ҭыԥқәа ркомиссиақәа азакәан аҳәаақәа ирҭагӡаны аус шыруо, алхрақәа ииашаны, иаартны имҩаԥысырц азы ирылшо зегьы шыҟарҵо азгәеиҭеит. Иара урҭ русура азы иҭабуп ҳәа реиҳәеит.

«Урҭ русура азы ҳара ҳахь ааԥхьарақәак ҟалар, ҳара жәаҳәарада зыԥшра ҟамҵаӡакәа урҭ азхьаԥшра аҳҭоит», – ҳәа иҳәеит Алхратә комиссиа Хада аиҳабы.