Аилатәара амҩаԥгара Аҳәынҭқарра Ахада иалхрақәа аҩбатәи атур аламҭалазы ареспублика аҿы ишьақәгыло иуадаҩу ауаажәларра-политикатәии акриминогенттәи аҭагылазаашьа инамаданы атәылахьчареи амилаҭтә шәарҭадареи рзы апарламенттә Еилакы иҟанаҵаз аԥшьгарала имҩаԥысит.

Аилатәара иалахәыз атәыла аҿы изаамҭанытәиу аҭагылазаашьа, иара убас амчратә структурақәа иҟалар зылшо апровакациақәа рыԥхьырҟцҟәҟәаара азы разхиара ахьынӡазалыршоу иалацәажәеит. Иалацәажәеит иара убас Жәлар Реизара-Апарламент адепутат Вахтанг Голанӡиа ишьреи адепутат Кан Кәарҷиеи ишьразы аҽазышәареи, ԥхынҷкәынмза  7, 2024 шықәса рзы гагратәи аресторан аҿы иҟалаз аиҿахысра, уҳәа егьырҭ аинцидентқәа рыла  аусаилыргарақәа шымҩаԥысуа атәы.