Аҭаҭын аалыҵи уи аиагаразы ахархәара змаз амашьынеи изтәыз ирымхуп. Урыстәыла Административтә зинеилагарақәа Рзакәанеидкыла ахәҭаҷқәа 16.1, ахәҭа 2, ахәҭаҷ 16.3 иазԥхьагәарҭо административтә еилагарақәа рзы аусеилыргарақәа хацыркуп.
14.Жәабран.2025
Шәачатәи аҳазалхыҩцәа иазакәанымка акантрабандатә аҭаҭын аалыҵқәа рыиагара ԥхьдырҟәҟәааит.
Аҟәа. Жәабранмза 14, 2025 шықәса. Аԥсныпресс. Ганрацәалатәи амашьынақәа роушьҭра-гәаҭаратә Ҭыԥ «Адлер» аҳазалхратә ԥыԥшырҭа аусзуҩцәа Аԥснынтәи иаауаз автомашьына HYUNDAI SOLARIS ааныркылеит.
Иарбоу атранспорттә хархәага амобилтә инспекциатә гәаҭара акомплекс ахархәарала агәаҭараан уи аҩныҵҟа ашәҟәы иҭагалам атауар аҟазаара шьақәдыргылеит, ҳәа адырра ҟанаҵоит УА АҲМ Аладатәи аҳазалхратә усбарҭа апресс-маҵзура. Анаҩстәи агәаҭараан амашьына аҵҟьа аҩныҵҟа аидараҭыԥ аганахьала иҭаҟаҵаз аҵәахырҭаҿы иаарԥшын иԥхьакыз аҭаҭын аалыҵ – 220 ҭоԥ (4400 цыра) аԥснытәи акцизатә дыргақәа змоу асигареҭқәа.
