Аҟәа. Жәабранмза 14, 2025 шықәса. Аԥсныпресс. Аԥсны Аҳәынҭқарра Ахада инапынҵақәа назыгӡо Валери Бганба урыстәылатәи аполитик аҳәынҭқарратә усзуҩ Сергеи Бабурин диԥылеит.
Сергеи Бабурин 2008 шықәса раахыс Аԥсны ҳаҭыр зқәу атәылауаҩ ҳәа ахьӡ ихҵоуп. Иара убас уи шьҭа традициала Урыстәыла аҟынтәи ихьыԥшым анаԥшҩыс дҟалоит Аԥсны Аҳәынҭқарра Ахада иалхрақәха рҿы.
Валери Бганба аполитик иҭабуп ҳәа еиҳәеит иааразы, Аԥсни Урыстәылеи рыбжьара аизыҟазаашьақәа рыҿиара аганахьала хра злоу иусуразы. Аԥсны Ахада инапынҵақәа назыгӡо Сергеи Бабурин активла ареспублика ауаажәларра-политикатә амшхәаԥштә активла далагалоуп, уи ихатә ҿырԥштәы ала, ипроффесионалреи експертизеи рыла аԥснытәии урыстәылатәи жәлар реилзаара еиҳа еиӷьны аилибакаара аганахьала акыр дацхгаауеит ҳәа иазгәеиҭеит.
Сергеи Бабурин, ахәҭакахьала, аиҳарак ас еиԥш иҟоу Аԥсны азы хадара злоу ахҭыс инамаданы гәахәарыла ҩаԥхьа Аԥсны дшаҭааз азгәеиҭеит.
«Сгәы абжа 1992 шықәса инаркны Аԥсны иаанханы иҟоуп. Сара сзы акырӡа аанагоит абри аиашьаратә республика аҿы аҭышәынтәалареи аҭынчреи рыҟазаара. Уажәы зегьы ртәылауаҩратә позициа аадырԥшыроуп – алхырҭатә ҭыԥқәа рҿы инеины еиҳа ирзааигәоу, еиҳа ирҭаху акандидат рыбжьы ирҭароуп», – ҳәа инаҵшьны иазгәеиҭеит Сергеи Бабурин.
