Аԥсыӡкра аусхкы иалахуп 21 ӷба.
Аԥсыӡкратә аамҭахәҭа алагара ԥхынҷкәынмза, 2024ш. инаркны иахьа уажәраанӡа Амшын Еиқәа аԥснытәи аӡымҽхак иахьаҵанакуа аԥсыӡкра аԥҟарақәа реилагара иадҳәалоу афактқәа 9 аарԥшхеит. Урҭ рахьынтә ааба – Очамчыра араион аӡымҽхак аҿы зҭаларазы азин ыҟам араион аҭалара, акы – Гәымчҭа аӡиас аӡалаларҭа иахьаҵанакуа, убасҵәҟьа зҭаларазы азин ыҟам араион аҭалара ауп.
Иарбоу аилагарақәа рыла аԥсыӡкыгаӷбақәа ркаԥданцәа Аԥсны Аҳәынҭқарра Административтә зинеилагарақәа Рзакәанеидкыла ахәҭаҷ 86 инақәыршәаны административтә хьырхәра иақәыршәоуп.
