Иахьа аҳаиртә еилазаара «UVTaero» ари апрограмма хацнаркуеит.  Уи иацло аҳаиртә еилазаарақәагьы ыҟоуп.

«Ҳара агәра ҳгоит ас еиԥш иҟоу апроект ҳтәыла аекономикатә ҭагылазаашьа шеиӷьнатәуа. Ҳәарада, ари ҳара аринахысгьы иҳарҿиало акыр зҵазкуа ахырхарҭақәа иреиуоуп», – ҳәа иҳәеит Бадра Гәынба.

Ажурналистцәа дрыҿцәажәо иахьатәи амш азы аҳаирбаӷәазаҿы иҟаҵоу атәы далацәажәеит аинвестор – аилазаара «Инфраструктурное развитие» адиректор Хада  Евгени Боженов.

Аҭоурыхтә терминал аконструкциа арӷәӷәара иазку аусура ҳхаркәшоит, анаҩс ҳаиасуеит аҭоурыхтә терминал аҩныҵҟа иазԥхьагәаҭоу аусурақәа рахь. Уажәы иацҵоуп иҿыцу адкыларатә терминал аҿы аусурақәа, хара имгакәа аметаллтә конструкциа ала аусурақәа ҳхаркәшоит, - ҳәа иҳәеит иара.

Иахьазы инагӡаны еиҭашьақәыргылоуп аҵԥраара-атәаратә цәаҳәа, аԥсҟарҵәиратә мҩақәа, аперрон, иахәҭоу алашара-сигналтәи аметеорологиатә еиқәыршәагақәа шьақәыргылоуп.