Ари ақәратә категориа иаҵанакуа аӡӷабцәа рыбжьара зегьы иреиӷьу алҵшәақәа аадырԥшит Сариа Лакоба (ақ.Гәдоуҭа), Алеқсандра Аҩӡба (ақ.Гәдоуҭа),  Арина Хамматуллина (Ҭаҭарсҭан).

Иара убас Иарку Акционертә Еилазаара «Аҟәафон-GSM»ахьӡала аџьшьаратә ҳамҭақәа ранашьахеит – аноминациа «Апрогресс 2022 шықәса азы» аҿы Давид Тҟьебучаа, аноминациа «Зегьы раасҭа иқәыԥшу алахәыла» аҿы  Елизавета Лазба.

 Атурнир А аҩбатәи амш азы актәи аҭыԥ ааникылеит Едуард Папазиан (ақ. Шәача), аҩбатәи аҭыԥ - Альберт Карапетиан (ақ. Гәдоуҭа), ахԥатәи аҭыԥ - Трисҭан Кәарацхьлиа (ақ. Аҟәа).

Амилаҭтә реитинг ала актәи аҭыԥ ааникылеит Артиом Табариан, аҩбатәи аҭыԥ – Даур Зыхәба, ахԥатәи аҭыԥ – Ушанги Кәыҵниа, урҭ зегьы Аҟәа ақалақь аҿы инхоит.

Аветеранцәа рыбжьара актәи аҭыԥ ааникылеит Борис Наҟоԥиа (ақ.Аҟәа), аҩбатәи аҭыԥ – Евгени Равдин (Гәылрыԥшь аҳабла), ахԥатәи аҭыԥ –  Константин Ҭыжәба (ақ. Аҟәа).

Ашколхәыҷқәа рыбжьара актәи аҭыԥ аанылкылеит Сарида Лакәатаа, аҩбатәи аҭыԥ – Нестор Багателиа, ахԥатәи аҭыԥ – Дениел Полеи, рыхҩыкгьы Аҟәа ақалақь инхоит.

Аҭыԥҳацәа рыбжьара актәи аҭыԥ аанылкылеит Дариа Касиан (ақ. Гагра).

Атурнир аркра иазкыз ацеремониа аҟны Аԥсны ашахматқәа Рфедерациа апрезидент Константин Ҭыжәба амобилтә еимадара азы Иарку Акционертә Еилазаара «Аҟәафон-GSM» шықәсырацәа инеиԥынкыланы ашахматқәеи Аԥсны ахәыҷтәы спорти ианаҭо адгылара азы иҭабуп ҳәа иҳәеит. «Афестиваль «Аҟәафон Open 2022» Урыстәылеи егьырҭ атәылақәеи рҿы имҩаԥысуа атурнирқәа рахь ицо ҳшахматист ҿарацәа рзы хра злоу зыҟаҵараны иҟалеит», - ҳәа иазгәеиҭеит Константин Ҭыжәба.