Аҟәа. Цәыббрамза 24, 2022 шықәса. Аԥсныпресс. Аслан Бжьаниа антитеррористтә зыҟаҵарақәа ахьымҩаҧысуаз Абаӷәаза-2022 даҭааит
Аԥсны Аҳәынҭқарра Ахада, Аԥсны Аҳәынҭқарра Арбџьар мчқәа рыдҵаҟаҵаҩ Хада Аслан Бжьаниа иахьа Аҟәатәи амшынтә баӷәаза даҭааит антитеррористтә зыҟаҵарақәа ПОРТ-2022 шымҩаԥысуаз агәаҭаразы.
Аԥсны Аҳәынҭқарра амчратә еилазаарқәеи Урыстәылатәи Афедералтә Шәарҭадара Амаҵзура рзеиԥштә ҵара азырхоуп атерроризми аполитикатә екстремизми рҿагылара.
Азыҟаҵарақәа ирылахәын Аҩныҵҟатәи аусқәа рминистрра, Аҭагылазаашьа ҷыдақәа рзы аминистрра, Аҳәынҭқарра ахьчаратә маҵзурақәа, Аԥсны Аҳәынҭқарратә ҳазалхратә еилакы, Урыстәылатәи Афедерациа Афедералтә Шәарҭадара Амаҵзура.
Аҳәынҭқарра Ахада аихшьалатә цәаҳәаҿы ирыдиныҳәалеит қәҿиарала имҩаԥысыз азыҟаҵарақәа.
"Ишәыдысныҳәалоит қәҿиарала еицымҩаҧыжәгаз антитеррористтә зыҟаҵарақәа", - иҳәеит Бжьаниа, уи алахәцәа ихы рықәкны.
Аманиоврқәа рҿы ахархәара рызун акәылӡтәы техника, аснаиперцәа, аӡхәыҵалаҩцәа, ацхырааратә машьына ласы, амцарцәаратә машьынақәа.
Азыҟаҵарақәа раан имчыдатәын амшынтә баӷәаза аҵакыраҿы атҟәацәа аанкыланы изкыз адиверсиатә гәыҧқәа, .
Ас еиԥш азыҟаҵарақәа мҩаԥысраны иҟоуп аҳауеимадара аҭыԥ аҟынгьы.
