Аиԥылараҿы иара убас иалацәажәеит Приднестровиеи Аԥсни ишьақәгылаз аҭагылазаашьа. «Аԥсны шьахәлаҵәҟьа еилыркаауеит Приднесторовие ишьақәгылаз аенергетикатә кризис ҵаҵӷәыс иамоу атәы. Аԥсны анапхгареи ауаажәларреи Приднестровиа анапхгареи Приднестровиатәи Молдавиатәи Ареспублика Иреиҳаӡоу Ахеилаки аиҳабыреи русмҩаԥгатәқәа ирыдгылоит.

Аԥсны иқәынхо ажәлар Приднестровиа ауааԥсыра адгылара рырҭоит аенергетикатә кризис анрымоу аамҭазы, ирзеиӷьаршьоит иаарласны арҭ ауадаҩрақәа зегьы ирхысны аусура бзиа избо, аҭынчреи аиҩызареи иадгыло аиашьаратә Приднестровтәи Молдавтәи Ареспублика  ажәлар ишрыхәҭоу ала  аизҳазыӷьарахь игьежьырц», - ҳәа иҳәеит азинмчы змоу Аԥсны ахаҭарнак.

Азинмчы змоу Аԥсны ахаҭарнак Александр Ватамани Приднестровтәи Молдавтәи Ареспублика Иреиҳаӡоу Ахеилак ахада Александр Коршунови иара убас еиуеиԥшым ахырхарҭақәа рыла аусеицура иадҳәалоу актуалра злоу егьрыҭ азҵаарақәа жәпакы ирылацәажәеит, ҳәа иаанацҳауеит Аԥсны адәныҟатәи аусқәа Рминистрра.