Аҟәа. Ажьырныҳәамза 9, 2025 шықәса. Аԥсныпресс. 2025 шықәса, ажьырныҳәамза 1 инаркны Аԥсны афымцамч азы ахәԥҵәақәа ирыцлеит ҳәа ажырра ҟаиҵеит Аенергетикеи атранспорти рминистр инапынҵақәа назыгӡо Џьансыхә Нанба.
Иҿыцу ахәԥҵәақәа абас ала ишьақәгылеит:
- Абзазаратә хықәкқәа рзы афымцамч зхы иазырхәо, х-фазак зызнеиуа хазхаҭалатәи ахаҿқәа шьҭарнахыс иршәалароуп – 2 мааҭки 20 коп.;
- Абзазаратә хықәкқәа рзы афымцамч зхы иазырхәо, фазак зызнеиуа хазхаҭалатәи ахаҿқәа шьҭарнахыс иршәалароуп – 1 мааҭки 70 коп.;
- Агәабзиарахьчареи аҵарадырреи русхкы иадҳәалоу икоммерциатәым аиҿкаарақәа – 2 мааҭки 20 коп.;
Афымцамч ала иныҟәо аихамҩатә транспорт аобиектқәеи В.Г. Арӡынба ихьӡ зху «Аҟәатәи Жәларбжьаратәи аҳаирбаӷәазеи» аҳаирбаӷәаза афымцамч ала аиқәыршәаразы – 2 мааҭки 20 коп.;
Анаплакқәеи анхара-коммуналтә нхамҩеи адәахьтәи арлашареи аӡыла аиқәыршәареи рзы афымцамч аныхра аганахьала – 2 мааҭи 20 коп.;
Аиуристтә хаҿқәа, хазхаҭалатәи аусдкылаҩцәа – 3 мааҭки 20 коп.;
Аҳәынҭқарратә усбарҭақәеи абиуџьеттә усбарҭақәеи (ацәаҳәа №2 аҿы иарбоу икоммерциатәым аиҿкаарақәа уахь иналамҵакәа), зфинансыркра ареспубликатә биуџьет аҟынтәи имҩаԥысуа, иара убас урҭ ираҟареитәу ахархәаҩцәа, Ареспублика Аԥсны аҵакыраҿы иҟоу Урыстәылатәи Афедерациа атәылахьчара Аминистрреи Урыстәылатәи Афедерациа Афедералтә шәарҭадара Амаҵзуреи аобиектқәагьы уахь иналапҵаны – 3 мааҭки 20 коп.;
Аҳәынҭқарратә усбарҭақәеи абиуџьеттә усбарҭақәеи (ацәаҳәа №2 аҿы иарбоу икоммерциатәым аиҿкаарақәа уахь иналамҵакәа), зфинансыркра ареспубликатә биуџьет аҟынтәи имҩаԥысуа – 3 мааҭки 10 коп.;
Афымцамч ала иныҟәо ақалақьтә транспорт аобъектқәа – 1 мааҭки 30 коп.;
Ареспублика Аԥсны арезедентцәас иҟам ахархәаҩцәа – 3 мааҭки 80 коп.;
Акриптовалиута зырҳауа ахархәаҩцәа – 4 мааҭки 20 коп.
Ахәԥҵәа ҿыцқәа ралагалара мҩаԥысуеит мшаԥымза 7, 2022 шықәсазы Аминистрцәа Реилазаара аҿы ахархәара змоу афымцамч ахәԥса шьаҿа-шьаҿала аизырҳаразы ирыдыркылаз «Ахәԥсақәа (ахәԥҵәақәа) рышьақәыргылареи рхархәареи рзы Аԥҟара, афымцамч аусхкы аҿы ахархәаразы Аԥҟарақәеи анормативқәеи асоциалтә нормақәеи рышьақәырӷәӷәара азы» Ақәҵареи ԥхынҷкәынмза 27, 2022 шықәса рзы уи иалагалаз аиҭакрақәеи инарықәыршәаны иалагалоуп. Адокумент инақәыршәаны, 2026 шықәсанӡа азыԥҵәа амҽхак есышықәса аҽаԥсахлоит.
