Аҟәа. Ԥхынҷкәынмза 11, 2024 шықәса. Аԥсныпресс. Аԥсны Жәлар Реизара-Апарламент асессиа аилатәара аҿы актәи аԥхьарала ирыдыркылеит атәыла абиуџьетнҭыҵтәи афондқәа фба иааиуа 2025 шықәсазы рбиуџьетқәа.
Абиуџьетқәа зегьы идефицитәӡам. Убас:
Ихымԥадатәиу амедицинатә ԥгаԥса Афонд абиуџьет ахашәалахәқәеи аныхтәқәеи рыла иазԥхьагәаҭоу аицҵалыҵ 90 млн. 571,3 нызықь мааҭ рҟынӡа инаӡоит.
Аџьа ахьчареи асоциалтә ԥгаԥсеи рзы Афонд абиуџьет ахашәалахәқәеи аныхтәқәеи рыла иазԥхьагәаҭоу аицҵалыҵ 232 млн. 475,9 нызықь мааҭ рҟынӡа инаӡоит.
Арепатриациа Афонд абиуџьет ахашәалахәқәеи аныхтәқәеи рыла иазԥхьагәаҭоу аицҵалыҵ 385 млн. 130,1 нызықь мааҭ рҟынӡа инаӡоит.
Амҩатә Фонд абиуџьет ахашәалахәқәеи аныхтәқәеи рыла иазԥхьагәаҭоу аицҵалыҵ 160 млн. мааҭ рҟынӡа инаӡоит.
1992-1993шш. Аԥсны жәлар Рџьынџьтәылатәи еибашьра аинвалидцәа рзы Аҳәынҭқарратә абиуџьетнҭыҵтәи Афонд абиуџьет ахашәалахәқәеи аныхтәқәеи рыла 2025 шықәсазы иазԥхьагәаҭоу аицҵалыҵ 258 млн. 937,8 нызықь мааҭ рҟынӡа инаӡоит.
Атәанчаҩратә Фонд абиуџьет ахашәалахәқәеи аныхтәқәеи рыла 2025 шықәсазы иазԥхьагәаҭоу аицҵалыҵ 1 млрд. 882 млн. 796,5 нызықь мааҭ рҟынӡа инаӡоит.
