Аҟәа. Цәыббрамза 22, 2022 шықәса. Аԥсныпресс. Цәыббрамза 16 - 18 рзы Черкесск ақалақь аҿы имҩаԥысуан Урыстәыла аспорт азҟаза Роберт Џьемакулов игәалашәара иазкны Иаарту ареспубликатә турнир.
Атурнир рхы аладырхәит 400 – ҩык инарзынаԥшуа Аԥсны, Ҟарачы-Черқьесстәи Ареспублика, Даӷьсҭантәи Ареспублика, Краснодартәи атәылаҿацә, иара убас егьырҭ Урыстәыла арегионқәа рҟынтәи аспортсмен ҿарацәа. Атурнир аихшьаалақәа рыла, аԥснытәи аспортсменцәа аҩбатәи ҭыԥк, ахԥатәи ԥшь-ҭыԥк ааныркылеит.
Аҩбатәи аҭыԥ ааникылеит Никита Лежьиа (акапантә категориа 41 кь.), ахԥатәи аҭыԥқәа ааныркылеит Сандро Жьиба (ак/к - 39 кь.), Абазг Фет-оӷлы (ак/к - 30 кь.), Данаҭ Партанаӡе (ак/к - 33 кь.), Максим Адлеиба (ак/к - 44 кь.).
Аспортсменцәа азыҟарҵоит Игорь Бераиа, Џьон Партанаӡе, Размик Алабиани Мераб Хашба.
Аспортсменцәа аицлабрақәа рахь рышьҭра алыршахеит Владимир Амаршьан ихьӡ зху абокс, аиқәԥара, атлетика хьанҭа азы Ареспубликатә ахәыҷтәы-қәыԥштә спорттә ашкол ала.
