Аҟәа. Цәыббрамза 22, 2022 шықәса. Аԥсныпресс. Цәыббрамза 20, 2022 шықәса, асааҭ 14:00 рзы, Гагра араион Цандрыԥшь аҳабла аҿы, Октиабртәи амҩаду ала, макьаназы зхаҭара шьақәыргылам ахаҿы, автомашьына «Тоиота» (ашәҟәҭагаларатә дырга С 883 BK ABH) ала аҳабла агәаҿы днеины згәыцә еизадоу ашәарыцага шәақь ала (№5299) Анқәаб Ш.Д. ҩынтә диеихсит.
Ш.Д. Анқәаб иаразнак Гагратәи араионтә хәышәтәырҭа хада ахь днаргеит, араҟа уи иахәҭоу амедицинатә цхыраара ирҭеит.
Ацәгьоура ҟаҵаны, ихысыз автомашьына «Тоиота» ала еилкаам ахырхарҭала иҽиӡеит.
Гагра араион Апрокуратура Аԥсны Аҳәынҭқарра Ашьаустә Закәанеидкыла ахәҭаҷ 99, ахәҭа 2, апункт «е», ахәҭаҷ 29, ахәҭа 3 инақәыршәаны аусеилыргара хацнаркит.
Азинхьчаратә усбарҭақәа ихысуаз дахьыҟоу аҭыԥ аилкаареи ацәгьауаҩы иаанкылареи рзы ихымԥадатәиу аоператив-ԥшааратә усмҩаԥгатәқәа мҩаԥнагоит, ҳәа адырра ҟанаҵоит Апрокуратура Хада апресс-маҵзура.
