Аҟәа. Ԥхынҷкәынмза 10, 2024 шықәса. Аԥсныпресс. Аҳәынҭқарра-зинтә политика азы апарламенттә Еилакы ала инарҭбаау аусуратә еилатәара аҿы иахәаԥшын «Ареспублика Аԥсны атәылауаҩра азы» Аԥсны Азакәан аиҭакрақәа ралагарлара азы» Азакәан апроект.
Азакәан апроект ишьақәнарӷәӷәоит Ареспублика Аԥсны атәылауаҩра аиура аҿы азеиԥш ԥҟарақәа рыла еиԥш ирмариоу авариант алагьы, иара убас атәылауаҩра аиҭашьақәыргылара азы апроцедура азы иназыцҵоу аҭагылазаашьақәа шьақәнаргылоит.
Аилатәараҿы иара убас иахәаԥшит «Ауаажәларратә Палата ашьақәгылара апринцип иазку Ареспублика Аԥсны азакәанԥҵаратә шәҟәынҵақәхак аиҭакрақәа ралагалара азы» азакәан апроект.
Азакәан апроект адгалара мҩаԥигеит адепутат Дмитри Маршьан. Инарҭбааны иарбоу азҵаара алацәажәара ашьҭахь, Аилак алахәылацәа урҭ иааиуа Апарламент асессиа аилатәара аҿы аҩбатәи аԥхьарала рыдкылара азы ажәалагалара аҟаҵара азы аӡбамҭа рыдыркылеит.
