Аконституциатә ӡбарҭа аӡбаҩцәа ракәзар – Аконституциатә ӡбарҭа аӡбаҩыс иҟалар алшоит 40-шықәса зхыҵхьоу,  иреиҳау азиндырратә ҵарадырра змоу, азиндырра азанааҭ ала зусуратә џьашықәс 15 шықәса иреиҵам Аԥсны атәылауаа. Аконституциатә ӡбарҭа аӡбаҩцәа 15 шықәса аҽҳәара рыманы иалххоит. Аԥсны Жәлар Реизара-Апарламент азинмчқәа рзы ахәҭаҷ 47 иалхын апункт 6: «Аԥсны Аконституциеи Аԥсны Аҳәынҭқарра азакәанқәеи реилыркаара мҩаԥнагоит».

Аконституциа аилыркаара Аконституциа аилыркааҭара Аконституциатә ӡбарҭа ахь ииагоуп. Азакәанқәа реилыркаараҭара акәзар, ари азҵаара аартны иаанхеит. Ишьақәырӷәӷәан Аконституциа аиҭахәаԥшра иҿыцу аԥҟара, убри аан ҷыдала иазгәаҭан, «Аԥсны Аҳәынҭқарра Аконституциа аиҭахәаԥшреи аиҭакрақәа ралагалареи залыршахом,  Аконституциа аиҭахәаԥшреи аиҭакрақәа ралагалареи ауаҩи атәылауаҩи изинқәеи ихақәиҭреи рырмаҷра азԥхьагәанаҭозар;  Аԥсны Аҳәынҭқарра атерриториалтә акзаара аилагареи ахьыԥшымра аԥыхреи азԥхьагәанаҭозар; урҭ ажәлармчра апринцип иаҿагылозар, амчрақәа реиқәшареи адгьыли егьырҭ аԥсабаратә ресурсқәеи ахатәразы аҳәынҭқарратә форма аиҭакреи, иара убас Аԥсны аҳәынҭқарратә бызшәа астатус аԥсахреи иазырхазар»  (ахәҭаҷ 83, апункт 5).

Жәабранмза 3, 2016 ш.  Аҳәынҭқарра Ахада Рауль Ҳаџьымба «Аԥсны Аҳәынҭқарра аҿы аҭыԥантәи ахаланапхгара азы» «Аԥсны Аҳәынҭқарра Аконституциа аиҭакрақәа ралагалара» азы Аконституциатә закәан инапы аҵаиҩит.  

Аконституциа Аԥсны Аҳәынҭқарра аҿы анапхгараҭареи аҭыԥантәи ахаланапхгареи ареформа азура иазку аиҭакрақәа алагалан. Аԥсны ақалақьқәеи араионқәеи аҭоурыхтә дгьылқәеи ахьарбоу  ахәҭаҷ 4 иалагалахеит ақалақь Пицунда. Ахәҭаҷ  53 апункт 16 иҿыцу аредакциа аҿы ишьақәырӷәӷәан. Уи инақәыршәаны, Аҳәынҭқарра Ахада анагӡаратә мчра аусбарҭақәа рхадацәа раҭареи, иара убас рмаҵураҭыԥ аҟынтәи рхы ақәиҭтәреи азакәан инақәыршәаны имҩаԥигоит. 

Уаанӡа Аконституциа аҿы  иарбанызаалак азакәанқәа рахь азхьарԥшқәа арбаӡамызт. Ахәҭаҷ 79, ахәҭа 3  аҿы аҭыԥантәи ахаланапхра аусбарҭақәа ралхра аԥҟарақәа, рзинмчқәа, реилазаара азакәан ала ишьақәырӷәӷәахоит ҳәа иарбоуп.

Хәажәкырамза 29, 2016 шықәсазы Аконституциа иалагалан зцәа зтәым аԥҳәыс леиԥырҟьара аақәиҭымзаара алагалан. Аконституциа иалагалахеит ахәҭаҷ  13. 1, уи инақәыршәаны: «Аԥсны Аҳәынҭқарра аҭаацәаратә ԥсҭазаара акыр аԥсазаареи аиламгареи реиқәырхара азы, ихадоу, ихьыԥшым аинститут аҳасабала аҭаацәа рырӷәӷәареи рыхьчареи иазку ауснагӡтәқәа мҩаԥнагоит.  Аҳәынҭқарра ани имиц ахәыҷи рыԥсҭазаара еиҟараны ахьчара нанагӡоит».       

Аконституциа Амш ҳара зегьы асуверенитет, ауаажәларра рыҩныҵҟа азинеиҿкаара, аҭышәынтәалара  агарант аҳасабала атәыла азакәан хада иаҵоу аҵакы ахадара  ҩаԥхьа иаҳгәаланаршәоит. Ари амш дарбанызаалак атәылауаҩ иԥсҭазаараҿы еиԥш иааизакны аҳәынҭқарра зегьы ашьақәгылара  аҿы Аконституциа инанагӡо ароль аилкааразы хра злоу лшараны иҟоуп.