«Ҳаҭыр зқәу асасцәа, акыр иаԥсоу аҩызцәа! 

Гәык-ԥсык ала ишәыдысныҳәалоит аҽаҩра аныҳәа «Амшын» - милаҭрацәала Аԥсны иқәынхо ажәларқәа ркультуратә ԥсҭазаара иахәҭакны иҟалаз ахҭыс. Ари афестиваль –акзаареи, аидгылареи, ҳадгьыл иқәынхо аерман жәлар рытрадициақәеи рҭоурыхи ҳаҭыр рықәҵара иасимволны иҟалеит. 

  Аԥсны иҟоу аерман еидгылара аҭоурых ду амоуп. Аамҭа хьанҭақәа раан аерманцәа рзы Аԥсны хыҵакырҭаны иҟалеит.  Ара урҭ аҽыԥхьакырҭа ахьроуз адагьы аиашьа ижәаҩахыр аҵакы еиылркаартә, еидгыланы аԥхьаҟа анхара-анҵыразы алшара роуит.   Убарҭ аамҭақәа раахыс аерманцәа ҳтәыла аекономикатә, акультуратә, асоциалтә ҿиараҟны рлагаламҭа дууп. Асовет аамҭазы Аԥсны жәабала аерман школқәа аартын. Ари аерман ҿар рдац-ԥашә амырӡразы, ркультуратә ҭынха аиқәырхаразы алшара рнаҭеит. 

Аԥсны Аџьынџьтәылатә еибашьраан Аԥсны ахақәиҭразы игылеит аерманцәа маҷымкәа. Амаршал Баграмиан ихьӡ зхыз абатальон аибашьцәа ргәымшәареи рфырхаҵареи, Аԥсадгьыл абзиабаразы иҿырԥшыгоуп.  Рыцҳарас иҟалаз, сынтәа аныҳәа «Амшен» азгәаҳҭоит абатальон аԥызҵаз, Аԥсны апатриот иаша, ҳпыза ду Владислав Арӡынба идгылаз Альберт Топалиан ида.

Афестиваль «Амшен» акультура ажәларқәа еидызкыло фактор дуны ишыҟоу атәы ҳанаҳәоит.

Иахьа иаабоит ашәақәеи акәашарақәеи, акультуратә артефактқәеи, амилаҭтә чысхкқәеи рыдагьы – ақыҭаҟны ихандеиуа, абизнесуаа, арҵаҩцәа, ауаажәларратә, акультуратә усзуҩцәа, есҽны ари аҭынха аиқәырхара знапы алаку ауаа.

Аԥсны анапхгара иалшо зегьы ҟанаҵоит ҳтәылауаа ҭынч, имшәа-имырҳа инхаразы, уажәраанӡеиԥш, ҳалшарақәа зегьы Аԥсны арҿиара иазаҳкуеит. 

Акыр иаԥсоу аҩызцәа, гәык-ԥсык ала ишәыдысныҳәалоит аҽаҩра аныҳәа «Амшен».

Ари амш насыԥла, ԥхаррала, ҳаҭыреиқәҵарала иҭәызааит».