Аҟәа ақалақь аҿы ахәыҷтәы хәышәтәырҭа ҿыц дыргылараны иҟоуп Аԥсны асоциал-економикатә ҿиара ацхыраара аҭаразы Аинвестициатә Программа аҳәаақәа ирҭагӡаны.

Иарбоу аобиект аҿы иахьазы абарҭ аусурақәа нарыгӡахьеит:

– ахархәара змамыз ажәытә хыбрақәа рықәгара мҩаԥгоуп;

– аргылара аҵакыра арыцқьаратә усурақәа мҩаԥгоуп;

–аамҭалатәи афымцамҩангагақәа шьақәыргылоуп;

– аргылара ахьымҩаԥысло аҵакыра аҭахкаара алыршоуп;

– ахыбра афундамент азы аҭыжаара азы адгьылтә усурақәа мҩаԥгоуп, агәыруажра алдоуп;

– агидроизолиациа ашьақәыргыларала абетонҭыршааратә усурақәа мҩаԥгоуп. Ареспубликатә хәыҷтәы хәышәтәырҭа ҿыц ргыланы ахархәарахь ирырҭараны иҟоуп 2026 шықәсазы.

Афинансыркра азеиԥш лимит – 651,9 млн. мааҭ рҟынӡа инаӡоит.

Аргылара ахьымҩаԥысуа аҵакыра – 10 850 ԥшьыркцатә метр рҟынӡа инаӡоит.

Иргылахо ахыбра ашәагаа 4550,79 ԥшьыркцтә метр рҟынӡа инаӡалоит.

Анардадкылаҩ хаданы  иҟоуп – Зҭакԥхықәра Ҳәаақәҵоу Аилазаара «КДК ДЕВЕЛОПМЕНТ».