Аҟәа. Жьҭаарамза 23, 2024 шықәса. Аԥсныпресс. Ареспублика Аԥсны Аконтрольтә Палата 2024 шықәсазы аусура аплан анагӡара иазкхеит Жәлар Реизара-Апарламент Аиҳабы Лаша Ашәбеи Аконтрольтә Палата ахантәаҩы Каха Пертаеи реиԥылара, ҳәа адырра ҟанаҵоит Апарламент апресс-маҵзура.
Аиԥылараҿы ирылацәажәеит агәаҭарақәа рымҩаԥгара, имҩаԥысуа агәаҭаратә усмҩаԥгатәқәа изаамҭанытәиу рҭагылазаашьа, иара убас ԥхьаҟатәи аусуразы азԥхьагәаҭарақәа ирыдҳәалоу азҵаарақәа жәпакы.
Жәлар Реизара-Апарламент Аиҳабы Аконтрольтә Палата ала имҩаԥыргахьоу агәаҭаратә усмҩаԥгатәқәа, иаарԥшыз аилагарақәа, уаанӡа имҩаԥгаз агәаҭарақәа рылҵшәақәа рыла Апрокуратура Хада ахь идәықәҵаз аматериалқәа рыла аусқәа рҭагылазаашьа дазҵааит.
Лаша Ашәбеи Каха Пертаеи иара убас Аконтрольтә Палата аусура иазку егьырҭ, актуалра злоу азҵаарақәа жәпакы ирылацәажәеит.
