Урыстәылатәи аган аҟынтәи уи рхы аладырхәит амашәырцәгьақәа рмедицина Афедералтәии Краснодартәии арегионалтә Центрқәа, иара убас Урыстәыла агәабзиарахьчара Аминистрра жәларбжьаратәи аусеицура адепартаменти рхаҭарнакцәа;  аԥснытәи аган аҟынтәи – Иҷыдоу аҭагылазаашьақәа рзы аминистр актәи ихаҭыԥуаҩ Тигран Делибалтиан, Аԥсны агәабзиарахьчара Аминистрра ахәышәтәра-профилактикатә Усбарҭа аиҳабы Баҭал Кациа, Аԥсны Иҷыдоу аҭагылазаашьақәа рзы Аминистрра амедицинатә Усбарҭа аиҳабы  Анӡор Гоов. 

Аганқәа аҩ-ҳәынҭқаррак ртәылауаа ацхыраара рыҭареи иҷыдоу аҭагылазаашьақәа рыхҟьаԥҟьақәа рықәгареи, иара убас ааха зауз ауаа Аԥсни Урыстәылеи рхәышәтәырҭақәа рахь рнагареи рганахьала иконкрету аиҿкааратәи апрактикатәи азҵаарақәа рыӡбараҿы хра злоу адинамика шыҟоу азгәарҭеит.