Аҟәа. Жьҭаарамза 16, 2024 шықәса. Аԥсныпресс. 100 тонна инареиҳаны амандарина Аԥснынтәи Урыстәылаҟа ииаганы идәықәҵахеит, ҳәа адырра ҟанаҵоит Краснодартәи атәылаҿацә аҳазалхра.
Амандарина раԥхьатәи апартиақәа Краснодартәи атәылаҿацә ахь аиагара иалагеит жьҭаарамза инаркны, уажәы ииагоуп ҳәа ашәҟәы иҭаргалахьеит 120 тонна рҟынӡа иарбоу ацитрусшәырқәа.
Амандаринақәа рыда аҳәаа иахыганы Урыстәылаҟа идәықәырҵоит афеихәуа, ахәырма, алион, араса – иааизакны 280 тонна рҟынӡа Аԥсны ақыҭанхамҩа аалыҵ.
Иҳаҩсыз ашықәс азы раԥхьатәи апартиақәа рдәықәҵара иалагеит жьҭаарамза аҩшамҭазы. Жьҭаарамза, 2023 шықәса инаркны 2024 шықәса хәажәырамзанӡа имҩаԥысуаз асезон зегьы иалагӡаны ииаган 25 нызықь тонн рҟынӡа амандарина. Сынтәатәи асезон азы аиагарақәа еиҵамхароуп.
