Аҟәа. Цәыббрамза 20, 2022 шықәса. Аԥсныпресс. Аԥсны Аҳәынҭқарра агәабзиарахьчара аминистр Едуард Быҭәба Москваҟа иусуратә ҭаара аҳәаақәа ирҭагӡаны, Афедералтә ҳәынҭқарратә биуџьеттә усбарҭа «Академик Е.И. Чазов ихьӡ зху Амилаҭтә медицинатә ҭҵаарадырратә акардиологиатә центр» адиректор хада, Урыстәылатәи Афедерациа Анаукақәа Ракадемиа академик Анатоли Боицов диԥылеит.
Едуард Быҭәбеи Анатоли Боицови Аԥсны ауааԥсыра агәы-датә чымазарақәа рганахьала амедицинатә цхыраара рыҭара аганахьала аусеицуразы еиқәшаҳаҭхеит. Ацентр аҳақьымцәа аԥснытәи рколлегацәа аконсультативтә цхыраара рыҭара иазхиоуп, ателемедицина алшарақәа рхархәаралагьы уахь иналаҵаны.
Афедералтә ҳәынҭқарратә биуџьеттә усбарҭа «Академик Е.И. Чазов ихьӡ зху Амилаҭтә медицинатә ҭҵаарадырратә акардиологиатә центр» аекспертцәа ареспублика акардиологиатә маҵзура аусура рырбара азы Аԥсныҟа раагара иадҳәалоу азҵаарагьы иазааҭгылеит.
Аспециалистцәа Аԥсныҟа раарала зҭагылазаашьа уадаҩу апациентцәа Урыстәылатәи Афедерациа иԥхьгылоу акардиологиатә Центрқәа рахь ргара азҵаара, иара убас Ихымԥадатәи амедицинатә Бгаԥса аполис ала планла иазԥхьагәаҭоу реиԥш, иаалырҟьаны зҭагылазаашьа уадаҩхааз апациентцәагьы урыстәылатәи ахәышәтәырҭақәа рҿы рышьҭаҵара азҵаарагьы иалацәажәахоит.
