Асааҭ 20:30 рзы - Амҳаџьыраа Рыԥшаҳәаҿы аныҳәатә салиут ҟалоит.
Гәдоуҭа ақалақь аҿы:
Цәыббрамза 30 рзы:
Асааҭ 10:00 рзы - Аԥсны жәлар Рџьынџьтәылатә еибашьраан иҭахаз рбаҟа аҿаԥхьа амитинг мҩаԥысуеит;
Асааҭ 11:00 рзы - Сергеи Дбар ихьӡ зху Гәдоуҭатәи амузеи аҿы афотосахьақәа рцәыргақәҵа еиҿкаахоит;
Асааҭ 12:00 рзы - Гәдоуҭатәи аспорттә школ аҿы ашахматтә турнир мҩаԥгахоит;
Асааҭ 18:30 рзы - Акциа «Агәалашәара ацәашьы» мҩаԥгахоит;
Асааҭ 19:00 рзы - Аныҳәатә концерт мҩаԥгахот.
Асааҭ 20:30 рзы – Аныҳәатә салиут мҩаԥгахоит.
Афон Ҿыц ақалақь аҿы:
Цәыббрамза 30 рзы:
Асааҭ 10:00 рзы - Аԥсны жәлар Рџьынџьтәылатә еибашьраан иҭахаз рбаҟа амҵан ашәҭшьыҵәрақәа рышьҭаҵара иадҳәалоу ацеремониа мҩаԥгахоит;
Асааҭ 11:00 – 11:30 рзы - Аибашьратә фырхаҵара амузеи аҿы амитинг мҩаԥысуеит, Урыстәылантәи хатәгәаԥхарала еибашьуаз Александр Бардодым инышәынҭраҿы ашәҭқәа шьҭарҵоит;
Асааҭ 19:00 рзы - Ақалақь астадион аҿы аныҳәатә концерт мҩаԥысуеит;
Амш ахыркәшамҭаз - Аныҳәатә салиут.
Гагра ақалақь аҿы:
Цәыббрамза 30 рзы:
Асааҭ 11:00 рзы - Аԥсны ахьчаҩцәа рбаҟа амҵан ашәҭқәа рышьҭаҵара;
Асааҭ 17:00 рзы - Аиааира ашҭаҿы афотоцәыргақәҵа «Gagra-FOLK» аатуеит;
Асааҭ 18:00 рзы - Аиааира ашҭаҿы араионтә коллективқәеи аестрадатә артистцәеи злахәу аконцерттә программа еиҿкаахоит;
Очамчыра ақалақьи араиони рҿы:
Цәыббрамза 29 рзы:
Асааҭ 12:00 рзы - Мықә ақыҭан аҽыбӷаҟазаратә хәмаррақәа раартра. Еиуеиԥшым абжьаӡарақәа рыла еиԥхныҩлоит, аҽылампыл, аҵәеигәыдҵа, аҳәаҟьаразы еицлабуеит.
Цәыббрамза 30 рзы:
Асааҭ 10:00 рзы - Аԥсны жәлар Рџьынџьтәылатә еибашьраан иҭахаз рбаҟа амҵан ашәҭшьыҵәрақәа рышьҭаҵара;
Амш ахыркәшамҭаз иҟалоит аныҳәатә салиут.
Тҟәарчал ақалақь аҿы:
Цәыббрамза 29 рзы:
Асааҭ 17:00 рзы - Акультура Аҩны аҿы аныҳәатә концерт мҩаԥысуеит;
Гал ақалақь аҿы:
Цәыббрамза 30 рзы:
Асааҭ 11:00 рзы - Аԥсны ахақәиҭреи ахьыԥшымреи зхы ақәызҵаз рзы аобелиск аҿы ашәҭқәа рышьҭаҵара;
Асааҭ 11:30 рзы - Аныҳәатә митинг мҩаԥгахоит.
Асааҭ 12:00 рзы - Араион Ахадараҿы асахьақәа рцәыргақәҵа аатуеит;
Асааҭ 13:00 рзы - Акультура Аҩны аҿы агәырӷьаратә ныҳәеи ансамбль «Мырзаҟан» аконцерттә программеи еиҿкаахоит;
Асааҭ 22:00 рзы - Гал ақалақь аҿи Егры аҳәааҿы аныҳәатә салиут ҟалоит.
