Иахьа ашьжьымҭан, Аҟәа ақалақь Ахьӡ-Аԥша апарк аҿы 1992-1993 шш. Аԥсны Аџьынџььтәылатәи еибашьра аҿы иҭахаз афырхацәа Рмемориал амҵан ашәҭ шьыҵәрақәа шьҭарҵоит. Арахь иаауеит Аԥсны Аџьынџьтәылатәи еибашьра аветеранцәа, иҭахаз аибашьцәа ранацәа, атәыла Анапхгара ахаҭарнакцәа.
Аҟәа ахақәиҭтәра Амш аҽны аҳҭнықалақь аҿы имҩаԥгахоит аныҳәатә гәалашәаратә усмҩаԥгатәқәа жәпакы.
Убас:
Асааҭ 10:00 рзы – Аҟәа ақалақь Ахьӡ-Аԥша апарк аҿы 1992-1993 шш. Аԥсны Аџьынџььтәылатәи еибашьра аҿы иҭахаз афырхацәа Рмемориал амҵан ашәҭ шьыҵәрақәа ршьҭаҵара ацеремониа мҩаԥысуеит.
Асааҭ 11:00 рзы – Ахьӡ-Аԥша апарк аҿы Аԥсны Афырхаҵа, аинрал-леитенант Гиви Смыр ибаҟа аартра ацеремониа мҩаԥгахоит.
Асааҭ 11:00 рзы – Аҟәа ақалақь ахақәиҭтәреи Аиааиреи Ахьыԥшымреи Рымши разгәаҭара иазкны имҩаԥгахоит ахәыҷтәы реитингтә шахматтә турнир (А. Карпов ихьӡ зху Аҟәатәи ахәаҷтәы шахматтә школа ).
Асааҭ 11:00 рзы – амилаҭтә спорттә хкқәа рыла аицлабрақәа ирылагоит (Е. Ешба ихьӡ зху апарк аҿы).
Асааҭ 11:00 рзы – Ахәыҷтәы сахьаҭыхратә школ аҵаҩцәа рпленер мҩаԥгахоит (Амҳаџьыраа Рыԥшаҳәа, Б.У.Шьынқәба ихьӡ зху апарк аҿы).
Асааҭ 11:00 рзы – арра-патриоттә усмҩаԥгатә «Аиааира ашьҭрамдаҩцәа». Ацәыргақәҵа. (С. У.Багаԥшь ихьӡ зху аплошьад).
Асааҭ 14:00 рзы – 1992-1993шш. Аԥсны жәлар Рџьынџьтәылатәи еибашьра аветеранцәа ркомандақәа рыбжьара ашьапылапыл маҷ азы аиҩызаратә матч мҩаԥысуеит. (Ашьапылампыл-маҷ адәы, Аинрал С. Дбар ихьӡ зху амҩа ала).
Асааҭ 18:00 рзы – Р.Гәымба ихьӡ зху Аҳәынҭқарратә филармониа аҿы имҩаԥгахоит аныҳәатә концерт.
*** ***
