Аџьынџьтәылатә еибашьраҟны Аиааира амш аламҭалаз, раԥхьа иргыланы, иаҳгәалаҳаршәоит Аԥсны ахақәиҭра зхы ақәызҵаз ақәрахьымӡақәа. Урҭ ргәалашәара лаша ҳацзаауеит наунагӡа. Иҭабуп ҳәа раҳҳәоит афырхацәа гәымшәақәа зааӡаз анацәеи абацәеи.

Аҩызцәа аофицарцәа, ҳ-Аԥсадгьыл амаҵ азызуа апатриотцәа иашақәа, атәыла зегьы шәара ишәызгәдууп. Аԥсны Арбџьар мчқәа урыстәылатәи аколлегацәеи дареи еидгыланы ҳҳәынҭқарра аҳәаақәа рыхьчаразы игылоуп. Атәыла анапхгара иалшо зегьы ҟанаҵоит ҳар рматериал-техникатә еиқәыршәара аиӷьтәразы, абри аганахьала аусура иацҵахоит.   

Акыр иаԥсоу аҩызцәа! Гәык-псык ала ишәыдысныҳәалоит Аиааиреи ахьыԥшәымреи рымш! Аррамаҵзуҩцәа зегьы аӡәаӡәала ирзеиӷьасшьоит агәабзиара, аихьӡарақәа, ахирра. Аҭынчреи аизҳазыӷьареи рыгымзааит шәыҩнаҭақәа. 

Ҽаанбзиала шәнеиааит!».

Аҳәынҭқарра Ахада Иусбарҭа анапхгаҩы Абесалом Кәарҷиа аҳәынҭқарра Ахада Аиааиреи ахьыԥшымреи 31 шықәса рхыҵра инамаданы арратә хьыӡқәа  рыхҵара иазку Аусԥҟақәа дрыԥхьеит. 

Аполковникцәа Вадим Кәартааи Давид  Бжьаниеи «аинрал-маиор» ҳәа изаамҭанытәу арратә хьӡы рыхҵоуп.