Аҟәа. Цәыббрамза 23, 2024 шықәса. Аԥснпресс. Аԥсны Жәлар Реизара-Апарламент Аиҳабы Лаша Ашәбеи атәылахьчареи амилаҭтә шәарҭадареи рзы апарламенттә Еилакы ахантәаҩы Ҭемыр Шергелиеи Аԥсны азинхьчаратә усбарҭақәа рнапхгаҩцәа р-Координациатә хеилак инарҭбаау аилатәара рхы аладырхәит, ҳәа адырра ҟанаҵоит Апарламент аофициалтә саит. Аиалатәара ахылаԥшырҭақәа изаамҭынытәиу русура, ашәарҭадареи азинеиҿкаареи русхкқәа рҿы иҟоу ауадаҩрақәеи актуалра злоу азҵаарақәеи рылацәажәара иазкын.
Акоординациатә еилатәара аҿы имҩаԥгаз аусура азы аҳасабырбатә ажәахәқәа ҟаҵо иқәгылеит азинхьчаратә усбарҭақәа рнапхгаҩыцәа.
Аилатәара рхы аладырхәит Аҳәынҭқарра Ахада Аслан Бжьаниа, Аҳәынҭқарра Ахада ихаҭыԥуаҩ Бадра Гәынба, аԥыза-министр Алеқсандр Анқәаб, апрокурор хада Адгәыр Агрба, атәыла Анапхгара алахәылацәа, азинхьчаратә усбарҭақәа, аӡбаратә еидгылара рнапхгаҩцәа, азинхьчаратә усбарҭақәа хаҭалатәи реилазаара.
